Seu d'Urchel

Seu d'Urchel y popularment en as redoladas conoixita como La Seu (en catalán La Seu d'Urgell, en castellán Seo de Urgel) ye un municipio catalán situato en a provincia de Leida, capital d'a comarca de l'Alto Urchel, d'o partito chudicial de Seu d'Urchel y d'a diocesi d'Urchel.

Seu d'Urchel
Municipio de Catalunya
Abside d'a seu de Santa María d'Urchel.
Entidat  • Estau  • Comunidat  • Provincia  • Comarca	Municipio  Espanya  Catalunya Leida Alto Urchel
Superficie	15,44 km²
Población  • Total	12 206 hab. (2013)
Altaria  • Meyana	691 m.
Distancia  • 107 km	enta Leida
Alcalde	Jordi Fàbrega Sabaté
Codigo postal	25700
Chentilicio	urgellenc / urgellenca (en catalán)
Ríos	Segre y Valira
Coordenadas	42°21’28’’N 1°27’30’’E
Seu d'Urchel Seu d'Urchel en Catalunya
Web oficial

A suya población ye de 12.533 habitants (2006), en una superficie de 15,44 km² con una densidat de población de 811,72 hab/km².

Cheografía

A localidat de Seu d'Urchel ye situata a 691 metros d'altaria sobre o ran d'o mar, a una distancia de 107 km d'a ciudat de Leida, capital d'a suya provincia.

Mugas

O termin municipal de Seu d'Urchel muga a o norte con Les Valls de Valira; a o noreste con Estamariu; a o sudeste con Alàs i Cerc; a o sud con Ribera d'Urgellet; y a l'ueste con Montferrer i Castellbò.

	Les Valls de Valira	Estamariu
Montferrer i Castellbò
	Ribera d'Urgellet	Alàs i Cerc

Demografía

Evolución demografica

1497 f 1515 f 1553 f 1717 1787 1857 1877 1887 1900 203 237 248 1.531 1.917 3.792 2.769 3.545 3.520

1910 1920 1930 1940 1950 1960 1970 1981 1990 3.853 3.636 4.584 4.564 7.062 7.773 9.404 10.681 10.468

1992 1994 1996 1998 2000 2002 2004 2006 2008 10.348 10.263 10.711 10.661 10.943 11.434 11.921 12.533 12986 2009 2010 2011 2012 2013 2014 2015 2016 - 13.063 - - - - - - - -

1497-1553: fuegos; 1717-1981: población de feito; 1990- : población de dreito

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007
Partit dels Socialistes de Catalunya								6
Convergència i Unió								5
ERC								4
Iniciativa per Catalunya								1
Partido Popular								1
Total								17

Alcaldes

Lista d'alcaldes

Lechislatura	Nombre	Partito politico
1979–1983	Amadeu Gallart i Sort	Progrés del Pirineu
1983–1987	Joan Ganyet i Solé	Inicitiva per Catalunya
1987–1991	Joan Ganyet i Solé	Inicitiva per Catalunya
1991–1995	Joan Ganyet i Solé	Inicitiva per Catalunya
1995–1999	Joan Ganyet i Solé	Inicitiva per Catalunya
1999–2003	Joan Ganyet i Solé	Inicitiva per Catalunya
2003–2007	Jordi Ausàs i Coll	Esquerra Republicana de Catalunya
2007–2008	Jordi Ausàs i Coll	Esquerra Republicana de Catalunya
2008–2011	Albert Batalla i Siscart	Convergència i Unió

Molimentos

• Seu de Santa María d'Urchel, una seu bispal d'o sieglo XII en estilo romanico.

Esporte

La Seu ye un puesto muito ligado a l'augua per lo paso d'o río Segre per lo meyo d'a población y la unión con o Valira un poquet mas abaixo, y tamién con os esportes d'hibierno per a suya cercanía con o Pireneu. Cal destacar as instalacions, entidatz esportivas y interpresas que ofreixen actividatz relacionadas con o meyo aquatico como rafting, hidrotrineo, canoas y kayaks.

Dentre os suyos clubs esportivos no relacionaus con l'augua u con os esportes d'hibiernos cal destacar o equipe de baloncesto femenín Agrupacio Esportiva Sedis Basquet que chuga en a Primera División Femenina de Baloncesto.

Instalaciones esportivas

Canal d'auguas bravas sin de actividat.

Dentre as instalacions esportivas destaca o Parque Olimpico d'o Segre, feito como una canal paralela a o río Segre, acondicionau pa piraguismo, y construyiu orichinalment pa la celebración de competicions esportivas. En l'actualidat tamién tiene un uso recreativo y ye un reclamo toristico pa qui quiera realizar actividatz aquaticas y de BTT.

Competicions esportivas

La Seu estió subsiede olimpica en os Chuegos Olimpicos de Barcelona 1992 albergando as competicions de piragüismo en a modalidat de slalom, en as nuevas instalacions creyadas pa ixo y que en a actualidat son d'as millors d'o país, albergando competicions nacionals, estatals y internacionals.

Vinclos externos

• Se veigan as imáchens de Commons sobre Seu d'Urchel.
• Pachina web municipal.
• Pachina web d'o Departamento de Torismo d'a Seu d'Urchel.