Abrir menú principal

Serbos de Bosnia y Herzegovina

(Reendrezato dende Serbo-bosnians)
Serbos de Bosnia y Herzegovina
G Princip (cropped).jpgEmir Kusturica Bruxelles05.jpgVladimir Radmanovic.jpg
Gavrilo Princip · Emir Kusturica · Vladimir Radmanović
Rechions con comunidatz importants
Flag of Bosnia and Herzegovina.svg Bosnia-Herzegovina 1,366,104 (1991)
Flag of Serbia.svg Serbia s/d
Idiomas
Serbo
Relichión
Ilesia Ortodoxa
Pueblos relacionatos
Serbos de Croacia, Montenegrins
Mapa
Etnicka karta BiH iz 2005.gif
Mapa etnico Bosnia y Herzegovina por municipios en l'anyo 2005. O color azul indica os municipios de mayoría serbia

Os serbos de Bosnia y Herzegovina (en serbo Срби у Босни и Херцеговини) son una de las tres nacions constitutivas d'o país y residen predominantment en a enditat politico-territorial dita Republica Serbisca (en serbo Republika Srpska). Reciben a sobén a denominación de serbos de Bosnia u serbo-bosnians independientment de si son orichinarios de Bosnia u d'Herzegovina.

Contenius

DemografíaEditar

O censo de población de 1991 rechistró 1,366,104 Serbos u 31.2% d'a población total de Bosnia y Herzegovina. Atro censo feito en 2013 con datos sobre etnicidad encara no ye publicau. Os serbos son a nación territorialment mes estendillada de Bosnia y Herzegovina. A gran mayoría vive en o territorio d'a Republika Srpska, a on que constituyen arredol d'o 88'5 d'a población.

LuengaEditar

Ta más detalles, veyer l'articlo Idioma serboveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Ta más detalles, veyer l'articlo Dialecto herzegovinian orientalveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Os serbos de Bosnia y Herzegovina parlan serbo con accento ijekavián, pareixiu a lo d'os serbos de Croacia y de Montenegro, y tamién a la parla d'os bosniacos y os crovates de Bosnia y Herzegovina. Amés d'o standard serbo que parlan y escriben charran os diferents dialectos štokaviáns de cada zona d'o país, sobre tot o dialecto herzegovinián oriental, que dende a zona oriental plegó a tamién a la occidental arredol de Banja Luka con as migracions d'ortodoxos "vlacos" que substituiban a los crovates catolicos que abandonaban un territorios que s'adhibioron a la Bosnia otomana.

Os serbos de Bosnia y Herzegovina tamién conoixen como luenga liturchica una forma reintrodueita d'o eslavo eclesiastico que no corresponde a l'antiga d'os serbos medievals.

RelichiónEditar

Ta más detalles, veyer l'articlo Ilesia Autocefala Serbiscaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A relichión tradicional d'os serbos de Bosnia y Herzegovina ye o cristianismo ortodoxo, perteneixendo a la Ilesia Autocefala Serbisca (Srpska pravoslavna crkva). En tiempos d'a dominación otomana muitos serbos se convirtioron a la relichión islamica sin deixar de considerar-se serbos, y mesmo a zaguers d'o sieglo XX decadas dimpués d'o reconoiximiento d'una nacionalidat bosniaca pa os musulmans, bi ha heba intelectuals naixius de familias musulmanas como Emir Kusturica que se consideraban serbos. Como en atros países d'Europa centro-oriental que quedoron baixo dictaduras comunistas, muitos serbos deixoron d'intresar-se en a relichión, creixendo l'ateísmo. A zaguers d'o sieglo XX l'augmento d'o nacionalismo serbisco suposó esviellar una practica relichiosa anterior.

HistoriaEditar

Os otomans empentoron a repoblación d'o norte y l'ueste de l'actual Bosnia, y se fació sobretot con "vlacos"[1], que yera a denominación que recibiban os nativos cristians de Bosnia y no especificament a los que charraban arrumán.

Quan a zaguers d'o sieglo XIX os austriacos establioron un protectorau en Bosnia y Herzegovina os cristians ortodoxos de Bosnia y Herzegovina ya heban encomenzau a desarrollar sentimientos d'identidat serbia por influencias transmesas dende os suyos vecins[2]. En 1902 fue creyada l'asociación cultural Posveta con a fin d'instruir a la chent d'o medio rural y a los ninos d'as clases populars y financiada en part por Serbia.

En 1908 o Imperio Austro-hongaro s'anexionó Bosnia y Herzegovina y encomenzó una campanya d'obras publicas de modernización que no s'heba visto en a rechión dende ixas envueltas de Napolión en as Provincias Ilirianas[2]. A nueva situación creyada con carreteras, ferrocarrils y escuelas facilitoron a propagación d'o nacionalismo serbisco entre os cristians ortodoxos de Bosnia y Herzegovina[3].

O nacionalismo serbisco en Bosnia y Herzegovina canalizó descontentos socials primero por a situación d'a chent d'a tierra y dimpués por l'aparición d'una nueva categoría de chóvens intelectuals serbos formaus por a Posveta pero sin guaires perspectivas[2].

Os austriacos no cambioron a situación de servitut de 4/5 d'a chent d'a tierra, que encara viviban en baixo o un orden feudal otomán que feba muito tiempo que heba deixau d'existir tanto en Serbia como en Croacia[3]. Bells mils de beys musulmans se perpetuaban como grans terratenients y exerceban un enorme poder a libel local sobre os cristians d'o medio rural[2].

Os chóvens intelectuals serbos yeran plens de resentimiento contra l'administración austriaca por una situación de paro, de pobreza y de manca de perspectivas. L'administración austriaca heba recurrito habitualment a los crovates pa chestionar. Se formó un movimiento dito Mlada Bosna ("Chóven Bosnia") con a fin de conseguir a independencia y reformas socials y evolucionó ta un grupo terrorista que en 1912 contactó con a organización ultranacionalista serbisca Man Negra.

L'actividat terrorista en Bosnia plegó dica o punto que en 1914 o miembro de Mlada Bosna Gavrilo Princip atentó en Sarajevo contra o hereu Francisco Ferrando d'Austria, lo que representó o principio d'a primera Guerra Mundial.

En a segunda Guerra Mundial Bosnia y Herzegovina quedó adintro d'o Estau Independient de Croacia y por a suya naturaleza montanyosa estió un scenario de guerra de guerrillas. Muitos serbos de Bosnia y Herzegovina participoron en a resistencia contra os nazis, fendo part d'a guerrilla monarquica serbia (os chetniks) u d'a guerrilla comunista (os partisans). Bosnia y Herzegovina tamién estió un scenario de grans mortalera por part de totz os bandos. Os serbos yeran victimas d'os ustaixas crovates, devez que os chetniks eliminaban os bosniacos y crovates d'as zonas que controlaban. A la fin vencioron os partisans yugoslavos como o solo bando capable de posar en practica un prochecto pa todas las nacionalidatz yugoslavas.

En a postguerra o rechimen Josip Broz Tito consiguió estabilidat y convivencia entre as diferents nacionalidatz, pero o decenio de 1990 representó a descomposición de Yugoslavia. Bosnia y Herzegovina tornó a estar scenario de guerra. Os serbos de Bosnia y Herzegovina no acceptoron que a Republica Socialista de Bosnia y Herzegovina s'independizás de Yugoslavia en 1992 y reaccionoron con una violenta revuelta prenendo o control de buena part d'o suyo territorio en a conoixida como Guerra de Bosnia-Herzegovina. Os combatients serbos practicoron a limpieza etnica de población bosniaca y crovate en os territorios que podioron controlar, devez que os atros bandos tamién facioron mortaleras de serbos. Os acuerdos de paz de Dayton de 1995 dividioron Bosnia en dos entidatz pseudoestatals: a Federacija Bosne i Hercegovine (Federación de Bosnia y Herzegovina), y a Republika Srpska (Republica Serbisca).

ReferenciasEditar

  1. History of Bosnia-Herzegovina. Articlo tetulato Balcan States en a edición de l'año 2007 d'a Enciclopedia Britannica
  2. 2,0 2,1 2,2 2,3 (fr) Dennis P.Hupchick, Harold E.Cox: Les Balkans. Atlas historique. Ed Economica, 2008. pp 70-72.
  3. 3,0 3,1 (es) Marl Mazower: Los Balcanes. Mondadori, 2001. p 168.

BibliografíaEditar