Saxons transilvans

Saxons transilvans
Siebenbürger Sachsen
Coa Romania Nationality Saxons.svg
Pferdemarkt Leonberg 2015 4861.jpg
Saxons transilvans
Población total
60.088 (2002)
Rechions con comunidatz importants
Flag of Romania.svg Transilvania 13.000
Flag of Germany.svg Alemanya
Idiomas
Alemán y rumán
Pueblos relacionaus
Pueblos chermanicos
Mapa
Deutschsiebenbürgen.svg
Saxons transilvans en 1918

Os saxons transilvans (en alemán Siebenbürger Sachsen, en hongaro Erdélyi szászok, en rumán Saşi) son un pueblo d'orichen alemán y de luenga alemana que habita bellas comarcas de Transilvania dende o sieglo XII.

EtnonimoEditar

A denominación de saxón no indica que proviengan de Saxonia ni que tiengan un orichen saxón, y ye pareixita a la denominación cheneral d'alemán que bi ha en francés, aragonés u castellán, derivata d'un pueblo chermanico concreto.

Asentamiento medievalEditar

 
Hombre con o trache tipico en 1882

A fase inicial empecipió a meyatos d'o sieglo XII con a plegata de colons que s'instaloron en lo que se conoixería como Altland u Hermannstadt Provinz, en l'actual provincia de Sibiu, situata arredol d'a ciudat de Sibiu, ciudat dacorromana refundata por os colons con o nombre de Hermannstadt.

Encara que a principal razón que lebó a lo rei Chéza II d'Hongría a invitar a los colons chermanicos a instalar-sen en a zona estió aduyar a os seculs a esfender a muga oriental d'o reino contra os invasors, tamién precisaban lurs habilidatz meneras pa desembolicar a economía d'a rechión. A mayor parte d'os colons yeran de Luxemburgo y d'a rechión d'o río Mosela.

A segunda fase de colonización chermanica encomenzó a principios d'o sieglo XIII, con colons que proveniban la mayor parte d'a zona d'o río Rhin, o sud d'os Países Baixos y zona d'o Mosela, chunto con atros plegatos de Turinchia, Bavera y dica Francia. Uno d'os principals asentamientos se trobaba centrato arredol a ciudat de Nösen, dimpués rebatizata como Bistritz (Bistriţa), situata en o noreste de Transilvania en o río Bistriţa. A suya comarca sería conoixita como Nösnerland. La plegata de nuevos colons procedents d'os territorios d'o Sacro Imperio Román Chermanico estendilló os asentamientos saxons entra l'este e sud. Dende a rechión de Hermannstad os colons s'estendilloron ta a val d'o río Hârtibaciu(Harbachtal) dica os monts Cibin (Zibin) y as montanyas de Sebeş (Mühlbacher). Esta rechión, centrada en a ciudat de Mühlbach (Sebeş) fue conoixita como Unterwald. A lo norte de Hermannstadt se desembolicó Weinland a man d'a ciudat de Mediasch.

En l'anyo 1211 o rei Andreu II d'Hongría invitó a los Caballers Teutonicos a lo suyo reino pa que s'establisen y esfendesen lo Burzenland en a cantonera sudeste de Transilvania, controlando os pasos montanyosos d'os monts Carpatos (Karpaten) y evitando as incursions d'os cumans. Os caballers costruyoron lumerosos castiellos y ciudatz fortificatas, incluindo a gran ciudat de Kronstadt (Braşov). A colonización d'a rechión de Burzeland fue realizata sobretot por colons transilvans d'o Altland. Manimenos, alarmato por o creixient poder d'os caballers, en l'anyo 1225 Andréu II forachitó a la Orden Teutonica d'o suyo reino. Los caballers se reasentoron en as costas Balticas, encara que os colons chermanicos permaneixioron en o Burzenland.

D'esta traza a muga este d'o reino medieval d'Hongría yera protechita a lo noreste por os saxons de Nösnerland, a l'este por os seculs, a lo sudeste por os castiellos y fortalezas construitos por os caballers teutonicos y os saxons d'o Burzenland y a lo sud por os saxons de l'Altland.

Segunda Guerra Mundial y rechimen comunistaEditar

Mientres a Segunda Guerra Mundial muitos saxons desilusionatos con a politica d'o reino de Rumania s'alioron con os nazis y los movimientos rumans de extrema dreita contra a Unión Sovietica. A causa d'a presión d'o gobierno d'Adolf Hitler, Rumanía habió de ceder o norte de Transilvania a Hongría o 30 d'agosto de 1940, con os Alcuerdos de Craiova.

Quan Rumania firmó a paz con os sovieticos en 1944, os militars alemans encomenzoron a evacuar a los saxons de Transilvania; esta operación afectó sobretot a los saxons de Nösnerland. Arredol de 100.000 saxons fuyoron debant l'abanze de l'Exercito Royo sovietico, pero lo nuevo gobierno rumán no fomentó a expulsión d'alemans como atros países d'Europa Central y Oriental dimpués d'a fin d'a guerra. Manimenos, se crei que que més de 80.000 saxons transilvans fuoron arrestatos por l'exercito sovietico y ninviatos a campos de triballo en Siberia (u gulags) acusatos d'haber cooperato con os nazis. Os saxons transilvans que permanexioron fuoron perseguitos por o gobierno comunista de Rumania y perdioron gran parte de lurs dreitos politicos como minoría.

Por ser consideratos Auslandsdeutsche (alemans foranos u etnicos) por o gobierno d'Alemania, os saxons transilvans teneban dreito a la ciudadanía alemana. D'esta traza muitos saxons transilvans decidioron d'emigrar ta Alemanya, en especial dimpués d'a caita d'o rechimen comunista rumán en 1989 y son representatos por o Landsmannschaft der Siebenbürger Sachsen in Deutschland.

A causa d'esta emigración masiva a población de saxons transilvans ha descendito de sopetón. Os saxons que han permanexito en Rumanía tienen representación politica a traviés d'o Foro Democratico d'os Alemans de Rumania. L'alcalde de Sibiu ye un saxón transilván encara que o porcentache de saxons en ixa ciudat ye agora minimo.

Presonaches famososEditar

Vinclos externosEditar