Sant Miguel Arcánchel

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sant Miguel Arcánchel (en hebreu מיכאל Mîkhā’ēl, "Qui como Dios?"; en griego Μιχαήλ Mikhaíl; en latín Michael; en grabe ميكائيل, Mikha'il) ye seguntes la tradición cristiana y chodiga lo cabo de los Exercitos Celestials y, por tanto, principe de los anchels.

Sant Miguel
Sant Miguel Arcánchel, de Guido Reni
Información personal
Nombre	Sant Miguel
Apodo:	{{{apodo}}}
Naiximiento
Muerte
Información relichiosa
Festividat	29 de setiembre
Venerau en
Simbolochía	{{{simbolochía}}}
Patronache	cuantas relichions
Centro de pelegrinache	{{{puesto pelegrinache}}}
Ordens	{{{orden}}}
Beatificación	{{{beatificación}}}
Canonización
Qüestions	{{{qüestions}}}

Pa los hebreus ye lo protector d'Israel y patrón de la sinoga, manimenos los cristianos lo consideran como patrón y protector de la Ilesia Universal y primero de los siet arcánchels, visorrei de lo cielo, acompanyant de las almas en la eternidat y vencedor de Lucifer. Por este feito en l'arte lo representan como un ánchel con una armadura de cheneral romano amenazando con una espata u lanza a un dragón u a lo diaple. En a simbolochía cristiana, ye important o suyo papel en o Chudicio Final, exercindo un papel pareixito a lo papel de bellas divinidaz en atras relichions, como Toth en l'Antigo Echipto. O culto a Sant Miguel Arcánchel parixe que naixió en a Ilesia Copta en Echipto arredol d'o sieglo I y fácil que en ixas envueltas se producise un sincretismo con as creencias d'a mitolochía echipciana respective d'a psicostasi.

Seguntes la tradición cristiana, l'arcánchel li s'apareixió a Santa Chuana d'Arco, a Santa Margalida, y tamién lo 13 d'octubre de 1884 a lo Papa León XII, qui tenió la experiencia de veyer a Satanás y los suyos diaples desafiando a Dios y como Sant Miguel y los suyos exercitos amanixioron pa esclafar y chitar ta lo infierno a las tropas infernals.

Bi ha muitas representacions artisticas con l'arcánchel Miguel, destacando-ne una estatua de bronce en lo cabalto de lo castiello de Sant'Angelo de Roma. A mes ye lo santo patrón de muitismas poblacions y endreitos.

La suya fiesta ye lo 29 de setiembre. En idioma aragonés l'agüerro se diz tamién "Sanmigalada" por ixe día. En a baixa Edat Meya la confrairía de pelaires de Teruel se refundó baixo l'advocación de Sant Miguel Arcánchel.

Lugars que celebran Sant Miguel Arcánchel en Aragón

Retablo en a ilesia de San Miguel d'os Navarros en Zaragoza.

• Aineto (Alto Galligo, Uesca).
• Alacón (Andorra-Sierra d'Arcos, Teruel).
• Alastuei (Chacetania, Uesca).
• Albalat de Cinca (Cinca Meya, Uesca).
• Alcalá d'o Bispe (Plana de Uesca).
• Arguis (Plana de Uesca, Uesca).
• Belmont de Gracián (Comunidat de Calatayú, Zaragoza).
• Bubierca (Comunidat de Calatayú, Zaragoza).
• Buerba (Sobrarbe, Uesca).
• Cabra de Mora (Gúdar-Chabalambre, Teruel).
• Castiello de Chaca (Chacetania, Uesca).
• Cunchiellos (Tarazona y Moncayo, Zaragoza).
• Fuents d'Ebro (Zaragoza, Zaragoza).
• Fuents de Rubielos (Gúdar-Chabalambre, Teruel).
• Grisén (Ribera Alta de l'Ebro, Zaragoza).
• Linars de Broto (Sobrarbe, Uesca).
• Mezalocha (Campo de Carinyena, Zaragoza).
• Santa Cruz de Nogueras (Xiloca, Teruel).
• Senegüé (Alto Galligo, Uesca).
• Sodeto (Abargüela de Tubo, Monegros, Uesca).
• Talamantes (Campo de Borcha, Zaragoza).
• Torrociella d'Alcanyiz (Baixo Aragón, Teruel).
• Torres d'Albarracín (Sierra d'Albarracín, Teruel).
• Torrillas (Gúdar-Chabalambre, Teruel).
• Tramacastiel (Comunidat de Teruel, Teruel).
• Val Chunquera (Matarranya, Teruel).
• Val Farta (Monegros, Uesca).
• Vicién (Plana de Uesca, Uesca).
• Vistabella (Campo de Carinyena, Zaragoza).
• Viú de Linars (Sobrarbe, Uesca).

Vinclos externos

• Se veigan as imáchens de Commons sobre San Miguel Arcánchel.

Referencias

• Datos: Q45581
• Multimedia: Archangel Michael / Q45581