Riochán precastellán
| Riochán precastellán | |
|---|---|
 Situación respecto a l'aragonés medieval | |
| Localización cheografica | |
| Territorios |  Reino de Navarra
|
| Sociolochía | |
| Vitalidat | Desapareixiu |
| Literatura | |
| Escritors principals | En part os traductors que treballaban pa Chuan Ferrández d'Heredia. |
| Rasgos dialectals | Occidentals, navarros y rasgos de transición enta o castellán. |
O riochán precastellán ye a variedat más occidental d'o romanz navarro-aragonés. Representa a evolución d'o latín en A Riocha (y norte de l'actual Soria). En tenemos testimonio escrito en as Glosas Emilianenses d'o sieglo X, y bell toponimo medieval escrito en textos latins.
As Glosas Emilianenses no representan os primers textos castellans como s'ha quiesto veyer, porque presentan leis foneticas propias d'a fonetica aragonesa, feito, muito, get (ye), y con o detalle que quan s'escribioron A Riocha no perteneixeba encara a Castiella.
Dimpués d'adhibir-se a Castiella, A Riocha se castellanizó entre os sieglos XI y XIII, en un proceso pareixiu a l'afrancesamiento de l'occitán en Poitou esdevenindo o Petavín-Santonchés. D'esta epoca data a colección documental clamada Libro Becerro d'o Monesterio de Val Vanera, que conserva encara muitos caracters precastellanos como l'articlo lo.
En a parla riochana castellana actual son notables pervivencias d'o romanz precastellán como luejo, plantaina, plegar, replegar[1] y rosada.[2]
A toponimia y microtoponimia tamién amuestran caracters foneticos precastellans: Calle Pueyo, Pueyo Concejo, Nuestra Señora de Bueyo, Ruella, Falcona, El Fenojar, La Ferrería, La Forca, Valfondillo, ecetra.[3]
ReferenciasEditar
- ↑ (es) Rafael Lapesa: Historia de la lengua española. Editorial Gredos. 1981, p 481.
- ↑ (es) Manuel Alvar: Atlas lingüístico y etnográfico de Aragón, Navarra y Rioja. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Tomo X, Lamina 1564, Mapa nº 1341.
- ↑ (es) Fabián González Bachiller: Aspectos fonéticos de la toponimia riojana actual. Universidat d'a Riocha, 1997, p 28.
BibliografíaEditar
- (es) Rafael Lapesa: Historia de la lengua española. Editorial Gredos. 1981.
- (es) Fabián González Bachiller: Aspectos fonéticos de la toponimia riojana actual. Universidat d'a Riocha, 1997,
Vinclos externosEditar
- (es) O Riochano precastellán.
| Variants medievals d'o navarro-aragonés | ||
|---|---|---|
| Aragonés medieval de l'Alto Aragón | Aragonés d'as comunidatz aragonesas | Aragonés d'as Comarcas Churras | Aragonés d'a val d'Ebro | Chodigo-aragonés | Navarro | Riochán | Scripta aragonesa (estandard) | ||