Revolución de mayo

(Reendrezau dende Revolución de Mayo)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Se conoix con o nombre de Revolución de mayo a los escaicimientos de mayo de 1810 en a ciudat de Buenos Aires en l'actual Archentina, que alavez yera una colonia d'Espanya, estando a capital d'o Visorreinato d'o Río de la Plata. Istos escaicimientos prencipioron o 18 de mayo de 1810, cuan plegoron a Buenos Aires as noticias d'a cayita d'a Chunta Suprema Central de Sevilla mientres a Guerra d'o Francés, continoron en a dita semana de mayo dica o 25 de mayo, cuan rematoron con a destitución d'o visorrei Baltasar Hidalgo de Cisneros y a proclamación d'a Primera Chunta de Gubierno. Ista destitución s'aprebó en o dito "Capítol ubierto d'o 22 de mayo de 1810".

O dito Cabildo abierto del 22 de mayo de 1810 ("Capítol ubierto d'o 22 de mayo de 1810"), que aprebó a substitución d'o visorrei, en un cuadro de Pedro Subercaseaux.

Se considera por os historiadors que a Revolución de mayo ye o primer movimiento independentista archentino, encara que en realidat no se proclamó a independencia d'Archentina. Formalment, os bonaerenses nomás facioron que no aceptar l'autoridat d'o Consello de Rechencia de Espanya y Indias en considerar que no representaba a lechitimidat dimpués de que, con as ditas Abdicacions de Bayona, o rei Ferrando VII y o su pai Carlos IV hesen abdicato en favor de Napoleón Bonaparte d'a cadiera reyal d'Espanya. Cal parar cuenta, sindembargo, que ixa aceptación d'a sobiranía espanyola yera nomás que un movimiento tactico en aspera de declarar ubiertament a independencia, como escaició en zaguerías o 9 de chulio de 1816 en o dito Congreso de Tucumán.

Vinclos externos editar