Republica Serbisca
- Iste articlo ye sobre a entidat de Bosnia y Herzegovina. No s'ha de confundir con o estau independient d'a Republica de Serbia.
A Republica Serbisca (en serbo Republika Srpska /rɛpǔblika sr̩̂pskaː/; cirilico: Република Српска) ye una d'as dos entidatz politicas que forman Bosnia y Herzegovina, chunto con a Federación de Bosnia y Herzegovina. Fue reconoixida formalment dimpués d'os Alcuerdos de Dayton que rematoron con a Guerra de Bosnia, en 1995, encara que ya existiba dende chinero de 1992.
| Republica Serbisca Republika Srpska Република Српска | |||||
| Entidat de Bosnia y Herzegovina | |||||
| |||||
| Entidat • Estato |
Entidat Bosnia y Herzegovina
| ||||
| Capital | Sarajevo y Banja Luka | ||||
| Ciudat mas poblada | Banja Luka | ||||
| Subdivisions | Rechions | ||||
| Idioma oficial | Serbo Bosniaco Crovate | ||||
| Superficie • Total |
24 857 km² | ||||
| Población • Total (2013) • Densidat |
1 228 423 hab. 45,80 hab/km² | ||||
| ISO 3166-2 | BA-SRP | ||||
 A Republica Serbisca | |||||
| Pachina web oficial | |||||
L'articlo 9 d'a Constitución d'a Republica Serbisca indica que «a capital d'a Republica Serbisca ye Sarajevo», encara que a mayor parti d'a ciudat no fa parti d'o suyo territorio y a capital de facto ye Banja Luka. En a entidat habitan tres grupos etnicos: serbos, bosniacos y crovates. A Republica Serbisca se define en a suya constitución como una entidat territorial unificada, indivisible y inalienable que de forma independient exercerá as suyas funcions constitucionals, lechislativas, executivas y chudicials. O suyo organo lechislativo ye l'Asambleya Nacional d'a Republica Serbisca.
En primerías dita Republica Serbisca de Bosnia y Herzegovina, fue declarada por l'Asambleya d'o pueblo serbo de Bosnia y Herzegovina, o 9 de chinero de 1992, que fue declarau día festivo en a suya remeranza, dito «Día d'a Republica» (Dan Republike). Iste coincide, seguntes o calandario chuliano, con a fiesta de Sant Esteban, que ye considerau por os ortodoxos serbos como o santo patrón d'a Republica Serbisca.
Se veiga tamiénEditar
Vinclos externosEditar
Se veigan as imachens de Commons sobre a Republica Serbisca.- Gubierno
- Presidencia
- Asambleya Nacional
- RS Institute of Statistics
- Republika Srpska Online
|
| |
| Federación de Bosnia y Herzegovina | Republica Serbisca | Districto de Brčko | |