RTS,S

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

RTS,S (nombre comercial Mosquirix) ye una vacuna contra a malaria basada en proteínas recombinants. En octubre de 2021, a vacuna recibió lo refirmo d'a Organización Mundial d'a Salut (OMS) pa un emplego amplo en ninos, lo que a convirtió en a primera vacuna candidata contra a malaria y a primera vacuna pa tractar l'infección parasitaria en recibir ista recomendación.^[1]

A vacuna RTS,S estió concebida y creyada en zaguerías d'o decenio de 1980 per cientificos que treballaban en os laboratorios de SmithKline Beecham Biologicals (agora GlaxoSmithKline (GSK) Vaccines) en Belchica. A vacuna se desembolicó encara mas a traviés d'una colaboración entre GSK y l'Instituto de Investigación de l'Exercito Walter Reed en l'estau estausunidense de Maryland^[2] y ha estau financiada en parti per a Iniciativa de Vacuna contra a Malaria PATH y a Fundación Bill y Melinda Gates. A suya eficacia oscila entre o 26 y o 50 % en lactants y ninos chiquez.

Aprebada pa lo suyo emplego per l'Achencia Europea de Medecinas (EMA) en chulio de 2015, ye a primera vacuna contra a malaria autorizada d'o mundo y tamién a primera vacuna autorizada pa lo suyo emplego contra una malotía parasitaria humana de cualsequier tipo. Lo 23 d'octubre de 2015, o Grupo Asesor Estratechico d'Expertos en Inmunización (SAGE) d'a OMS y o Comité Asesor de Politicas de Malaria (MPAC) recomendoron de conchunta una implementación piloto d'a vacuna en Africa. Iste prochecto piloto de vacunación se metió en marcha o 23 d'abril de 2019 en Malaui, o 30 d'abril de 2019 en Ghana y lo 13 de setiembre de 2019 en Kenya.^[3]

Referencias editar

↑ (en) WHO endorses use of world’s first malaria vaccine in Africa en theguardian.com
↑ (en) Heppner, D. Gray Jr.; Kester, Kent E.; Ockenhouse, Christian F.; Tornieporth, Nadia; et al. (2005). Towards an RTS,S-based, multi-stage, multi-antigen vaccine against falciparum malaria: progress at the Walter Reed Army Institute of Research. Vaccine. 23 (17–18): 2243–50.
↑ (en) Malaria vaccine launched in Kenya: Kenya joins Ghana and Malawi to roll out landmark vaccine in pilot introduction en a pachina web d'a Organización Mundial d'a Salut

[1] (en) WHO endorses use of world’s first malaria vaccine in Africa en theguardian.com

[2] (en) Heppner, D. Gray Jr.; Kester, Kent E.; Ockenhouse, Christian F.; Tornieporth, Nadia; et al. (2005). Towards an RTS,S-based, multi-stage, multi-antigen vaccine against falciparum malaria: progress at the Walter Reed Army Institute of Research. Vaccine. 23 (17–18): 2243–50.

[3] (en) Malaria vaccine launched in Kenya: Kenya joins Ghana and Malawi to roll out landmark vaccine in pilot introduction en a pachina web d'a Organización Mundial d'a Salut

[1]

[2]

[3]