Quatrena cruzata
| Quatrena cruzata | |
|---|---|
| Cruzatas | |
 Conquiesta de Costantinnoble por os cruzatos en 1204. | |
| Información cheneral | |
| Calendata: 1202–1204 | |
| Puesto: Balcans | |
| Resultato: Desaparición d'o Imperio bizantín, creyación d'os Estatos Cruzatos en os Balcans. | |
| En conflicto | |
 Sacro Imperio Venecia Montferrat
|
Imperio Bizantín |
| Comandants | |
Bonifacio I Loís I Enrico Dandolo
|
Isaac II Angelos Alexios III Angelos Alexios V Doukas Kaloyan de Bulgaria  Emerico I
|
.svg){kind=small}
A quatrena cruzata se desvinió en os anyos 1202 y 1204. A lo principio s'adrezaba enta Echipto, que s'esbarró ta Costantinoble, on los cruzatos derrocoron a dinastía reinant y creyoron o Imperio Latín.
O papa Inocencio III enhortó a los principes europeus de fer una nueva cruzata, esta vegata adrezata contra Echipto. Muitos nobles franceses s'incorporan a la cruzata como Bonifacio de Montferrat y Balduín de Flandres. Os cruzatos precisan d'as naus venecianas pa poder viachar t'o suyo obchectivo.- Pa poder tener a colaboración d'os venecians los aduyan a conquerir territorios de Dalmacia como a ciudat de Chadra.
O dux Enrico Dandolo adreza a los cruzatos contra Costantinoble pa favorir os intreses d'os venecians en Levant. Aproveitan tamién barallas por o poder por a cadiera imperial bizantina. Aleixo IV Ánchel demandó aduya a los cruzatos pa destronar a Aleixo III Ánchel, que heba destronato a lo suyo pai Isac II.
En l'anyo 1203 se produce a primera conquiesta cruzata de Costantinoble y Aleixo IV esdevinió emperador con o suyo pai Isac II, pero fue asesinato por griegos que no yeran partidarios d'a presencia d'os cruzatos.
En l'anyo 1204 se produce una segunda conquiesta de Costantinoble que tras un saqueyo conduce a la creyación d'o Imperio Latín de Costantinoble, con Balduín de Flandres como sobirán y a relichión catolica como oficial.
En o "Libro de los fechos et conquistas del principado de la Morea" narran con cierto detalle o que se desvinió en a quatrena cruzata.
BibliografíaEditar
- Hermann Kinder y Werner Hilgemann, Atlas Histórico Mundial. Edicions Itsmo.