President de Mexico

O president d'os Estaus Unius Mexicanos (en castellán: Presidente de los Estados Unidos Mexicanos) ye de vez o chefe d'Estau y o chefe d'o gubierno de Mexico y ye amás o comandant en chefe d'as Fuerzas Armatas. Ye asinas o masimo representant d'o poder executivo en o país.

Andrés Manuel López Obrador, actual president de Mexico

O president ye a capeza de l'Administración Publica Federal y ye auxiliau por un gabinete compuesto por as veinte secretarías d'Estau existens, dependencias federals, organismos descentralizaus y interpresas paraestatals, os cuals tienen a lo suyo cargo diversas carteras d'intrés publico, amás de distintos asesors adscritos a la clamada Usina d'a Presidencia.

Dende l'1 d'aviento de 2018, o president d'os Estaus Unius Mexicanos ye Andrés Manuel López Obrador, d'a coalición progresista Juntos Haremos Historia.

Vinclos externosEditar