President d'Ucraína
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
O president d'Ucraína (en ucrainés: Президент України, tr.: Prezydent Ukrayiny) ye o chefe d'Estau d'Ucraína y ye uno d'os dos masimos representantz d'o poder executivo en o país. Ye amás o comandant en chefe d'as Fuerzas Armatas y encabeza o Consello Nacional d'Esfensa y Seguranza, que aserora a o president.
O president represienta a la nación ucrainesa en as relacions internacionals, leva a cabo as negociacions y concluye trataus internacionals. Tamién coordina y controla l'actividat d'os organos d'o poder executivo en l'ambito d'a seguranza y esfensa nacional; y, d'alcuerdo con a Constitución ye o garante d'a soberanía estatal, a indivisibilidad territorial, a observancia d'a Constitución y os dreitos humans y as libertatz d'os ciudadans.
Dende o 20 de mayo de 2019, o president d'Ucraína ye Volodímir Zelenski, d'o partiu Servidor d'o Pueblo.
Vinclos externosEditar
- (en) (ru) (uk) Sitio web oficial d'o President d'Ucraína.