Prepucio

O prepucio ye lo plegue de dople capa de teixiu muscular liso, vasos sanguinios, neuronas, piel y parti d'a bienza mucosa d'o pene que cubre y proteche lo glande.[1] O prepucio ye mobil, pro elastico y actúa como un lubrificant natural. A caperucha d'o clitoris en as mullers ye embrionariament homologa a lo prepucio.

O prepucio proteche lo glande d'o pene y de normal se retraye mientres la erección.

O prepucio d'os adultos gosa estar retráctil sobre lo glande. A cobertura d'o glande en estau bofo y erecto vareya seguntes a longaria d'o prepucio. Lo prepucio ye apegau a lo glande en naixer y, per un regular, no se puede retrayer en a nineza. A incapacidat pa retrayer o prepucio en a nineza no ha de considerar-se un problema de no estar que i haiga atros simptomas. A banda estriada altament inervada d'o pene se troba amán d'a punta d'o prepucio.

Lo prepucio puede quedar sucheto a una serie de condicions patolochicas.[2] A mayoría d'as condicions son raras y se tractan facilment. En qualques casos, particularment en condicions cronicas, o tractamiento puede incluyir a circumcisión, un procedimiento en o que s'extirpa parcial u de tot o prepucio.

Denominacions popularsEditar

capota[3]

ReferenciasEditar

  1. (en) Jean-Claude Corbell y Ariane Archambault: The visual dictionary of the human being, QA International, 2009, ISBN 978-2-7644-0885-8, p.110
  2. (en) Shah M (2008). The Male Genitalia: A Clinician's Guide to Skin Problems and Sexually Transmitted Infections. Radcliffe Publishing. pp. 37–. ISBN 978-1-84619-040-7.
  3. (es) Rafael Barceló Caballud Vocabulario caspolino, Institución Fernando el Católico, 2011, ISSN 0590-1626, p.66