Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O pepino[1] ye o fruito comestible d'a cucurbitacia Cucumis sativus, una mata anyal que dimana d'A India y que s'introdució en Europa entre l'Antiguedat tardana y principios d'a Edat Meya, bieser que traíta por os romanos.[2]

Pepins.

Dende o punto d'envista botanico, o pepino ye una baya de tipo peponide que naixe d'as flors inferas femeninas d'a «pepinera». Ye una hortaliza prou productiva si se mete en regano, y a mata creixe rastrera dica 2 u 3 metros de largura en o huerto, an que se le puede guiar y fer que s'enreligue con forquetas ya que, como todas as cucurbitacias, tiene filos pa agafar-se.

O pepino ye un ingredient tipico en platos como os apanyizos, tan comuns en a dieta mediterrania.

Valors nutricionals editar

Valor nutricional por cada 100 gramos de producto
Enerchía 65 KJ
Valura calorica 16 Kcal
Graixas 0.11 g
Hidratos de carbonio 3.63 g
Zucres 1.67 g
Proteínas 0.65 g
Augua 95.23 g

Ditos y mazadas editar

  • «con pepino y con melón as tripas en os talons»[3]
  • «pepino, cergüellos y calabazón se pintan solos pa dar torzons»[4]

Se veiga tamién editar

Referencias editar

  1. (an)(es) ROMANOS HERNANDO, Fernando, Diccionario aragonés-castellano castellano-aragonés; Edicions Transiberiano. Zaragoza, 2017. ISBN 978-84-16825-16-5
  2. (es) El cultivo del pepino, Parte I, consultau o 14 de chinero de 2022.
  3. (es) Pedro Arnal Cavero: Refranes, Dichos, Mazadas... En El Somontano Y Montaña Oscense, Prames, 2013, ISBN 978-8483213957, p.78
  4. (es) Pedro Arnal Cavero: Refranes, Dichos, Mazadas... En El Somontano Y Montaña Oscense, Prames, 2013, ISBN 978-8483213957, p.79