Pastillet

Pastillet
Pastillez
Orichen cheografico
Cocina:	Gastronomía mediterrania
Orichen:	Aragón Catalunya País Valenciano
Se mincha en:	Provincias de Tarragona, Teruel y Castellón
Categoría:	Postre
Elaboración
Preparación:	aceite, farina de trigo, uevo, anís y mistela u moscatel

O pastillet^[1] (en catalán pastisset, en castellano tortas de alma) ye una mena de chicot lamín tipicos de Aragón (feitos en as provincias de Teruel, estando famosos os d'as comarcas d'o Matarranya, Mayestrato, Andorra-Sierra d'Arcos, Cuencas Meneras y Baixo Aragón, Zaragoza, en destacando la comarca de Cinco Villas y Uesca, en destacando la comarca d'a Chacetania), Catalunya (en a zona que comprende as Tierras d'Ebro en a provincia de Tarragona) y o País Valenciano.

Composición

Son unas empanadiellas de masa no fermentada con forma semicircular, de 10 cm de largaria, 5 d'amplaria y 3 de gordaria. A receta orichinal aragonesa ye farcida de mermelada de carbaza, encara que ye común o farciu de cabello d'anchel y se fa a masa con aceite, farina de trigo, uevo, anís y mistela u moscatel pendendo d'a zona. N'existen variants como la que se fa en a localidad tarraconense d'Amposta que puet levar moniato u requesón en cuentas de cabello d'anchel. Son tamién muit conoixius os pastillez elaboraus en a localidad catalana de Tortosa.