Parque Natural de Moncayo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Moncayo

Puyada a Moncayo
Datos chenerals
Tipo	Parque Natural
Establiu	1978
Superficie	1.399 ha
Situación
Situación	Sistema Iberico, Zaragoza
Latitut	41.802
Lonchitut	-1.826
Mapa

O Parque Natural de Moncayo (en castellano Parque Natural del Moncayo) tien una amplaria de 1.399 hectarias y ye situato entre as comarcas de Tarazona y Moncayo, Aranda y Campo de Borcha en a provincia de Zaragoza. S'estendilla por os termins municipals de Tarazona, Los Fayos, Torrellas, Santa Cruz de Moncayo, Sant Martín de la Virchen de Moncayo, Litago, Lituenigo, Trasmoz, Vera de Moncayo, Anyón, Bulbuent, Ambel, Talamantes, Grisel, Agramont, Purillosa, Calcena y Beratón, iste zaguero en a provincia de Soria.^[1]

A tuca de Moncayo se troba dentro d'o parque natural, y ye o pico mas alto d'o Sistema Iberico con 2.314 metros d'altaria.

Toponimia

En textos medievals relativos a Tarazona y Grisel se menciona una Defesa de Moncayo. Actualment en o termin municipal de Tarazona se troba o microtoponimo Dehesa de Moncayo u Dehesa del Moncayo que da nombre a este parque natural. A defesa yera en o piso bioclimatico d'o caixicar de Quercus pyrenaica^[2], que una vegada aclarau yera un buen puesto pa paixentar o bestiar.

Flora y fauna

Agüerro en Moncayo

Dende os 900 metros y dica una altaria de 1.800 se i puede trobar o pinar, formau por diferents especies de pins seguntes as condicions climaticas, pero en bel caso no representa a vechetación natural. Tamién bi ha cardoneras, brucos y chordons. Os prencipals animals d'ista zona son o pinyonero, o papirroi y o taixugo.

Vechetación

A vechetación natural en Moncayo podemos trobar-la escaleronata ya que bi ha prous cambeos dende a zona baixa enta la tuca:

La zona mas baixa ye d'o piso mesomediterranio y i trobamos carrascals, dica os 900 metros d'altaria. Bi ha matarrals formatos por allagas y tremoncillos an viven conillos, perdices, rulletas, taixugos y fardachos entre atros.

Saxifraga moncayensis

Entre os 900 y os 1.100 metros encara ye o piso mesomediterranio pero i trobamos o caixicar de Quercus faginea. Gais, chordos, chabalins y rabosas forman a suya fauna.
Entre os 1.000 y 1.800 metros ye o piso supramediterranio, con caixicars, fayars y pinars.
- Os caixicars son de Quercus pyrenaica y en parte los han substituyius por pinars de repoblación. Os caixicars se situan en altarias entre bels 950 m y 1.350, coindindo con a dentrada en o parque natural^[2].
- Entre os 1.100 y os 1.650 ye o fayar, uno d'os mas meridionals d'Europa. En o fayar bi ha una mayor humidat y as temperaturas son mas baixas. Atras especies vechetals son, os fraixins, salces, abetullos, triémols, tileros, felces, molsas y canyuteras. Entre a suya fauna son os chabalins, o corzo, o esparbel y l'alica reyal.
Ya dende os 1.650 metros y enta la tuca de Moncayo, lo fayar se fa cada vegata mas claro y Alodas y gripias i viven.
Por dencima d'os 1.800 metros ye o piso oromediterranio con chinebrals y pinars de pin royo. En la parte superior d'estas pinars (1.900-1.950) bi ha pin negro introduciu dende o Pireneu por repoblación.
Por dencima de los 2.000 m ye o piso crioromediterranio con pastizals de Festuca indigesta dica la tuca.