Operación Galgo

A Operación Galgo ye una operación d'a Guardia Civil realizata en Espanya contra o dopache esportivo centrau prencipalment en l'atletismo. A operación prencipió en abril de 2010 y o suyo termín estió o 22 de marzo de 2012.

A operación prencipió en abril pero dica o 9 d'aviento de 2010 no se conoció a operación quan se facioron os primers rechistros en Alicant, Madrit, Segovia, Las Palmas y Palencia, con 14 detencions.[1] As detencions mas importants estioron as de l'atleta Marta Domínguez, o suyo entrenador César Pérez y o suyo representant José Alonso Valero, Manuel Pascua entrenador de atletismo, José Luis Pascua Piqueras chirmán de l'anterior, Alberto León Herranz: ex ciclista de mountain bike, Eufemiano Fuentes: medico esportivo y chinecologo embolicado de contino en tramas de dopache y imputato en l'anyo 2006 en la Operación Puerto y Alberto García Fernández, atleta.

L'atleta Alemayehu Bezabeh, campión europeu de campo a traviesa de 2009, no competió en o campionato de 2010 por a suya implicación en a trama de dopache.[2][3] O diya 10 de chinero troboron a o ex-ciclista Alberto León muerto suicidato en a suya casa.[4] En o mes de marzo de 2011 l'atleta Alemayehu Bezabeh estió absuelto de tentativa de dopache por Comité de Competición d'a RFEA, [5] dimpués o CSD (Comité Superior de Deportes) presentó un recurso contra ista resolución y una vegata revisato o caso fue sancionato con dos anyatas sin competir y una multa de 3.000 euros.

O 22 de marzo de 2012 estió o termín d'o proceso dando nulidat a as prebas presentatas. [6]


Prencipals presonaches detenitosEditar

Vinclos externosEditar

ReferenciasEditar