Ocián Pacifico

L'Ocián Pacifico ye a masa d'augua más gran d'a Tierra, ocupando a tercera parti d'a suya superficie. S'estendilla alto u baixo 15.000 km dend'o Mar de Bering en l'Artico por o norte, dic'as marguins concheladas d'o Mar de Ross en l'Antartida por o sud. Adube o suyo mayor amplo (de l'orden de 19.800 km), a alto u baixo 5 graus de latitut norte, estendillando-se dende Indonesia dic'a costa de Colombia. A muga occidental de l'ocián ye l'Estreito de Malaca.

Ocián Pacifico.

O Pacifico contien alto u baixo 25.000 islas (más que totz os atros ocians d'o mundo combinatos), quasi todas son situadas a lo sud d'a linia d'o Equador. O Pacifico cubre un aria de 179.7 millons de km². O punto más baixo d'a superficie d'a crosta terrestre, a Fuesa d'as Marianas, se troba en o Pacifico.

O primer europeu que alufró a inmensidat de l'Ocián Pacifico estió lo fidalgo y explorador espanyol Vasco Núñez de Balboa, qui o día 25 de setiembre de 1513 dimpués d'haber preso posesión d'as suyas auguas en nombre d'os reis de Castiella, li otorgó o nombre de Mar d'o Sud a la graniza amplaria d'augua que atisbó dende una tuca situada en l'estreito de Panamá.

O suyo nombre actual ye obra d'o navegant portugués Fernando de Magallanes.

L'explorador portugués Fernando de Magallanes mientres a suya expedición arredol d'o mundo a lo servicio d'a Corona d'Espanya, nombró a iste ocián pacifico pos mientres a mayoría d'o suyo viache dende l'Estreito de Magallanes dic'as Filipinas, lo trobó en calma. Sindembargo, o Pacifico no perén fa honor a o suyo nombre, pos a sobén os tifons, os horacans y os tierratremos zumban as islas d'iste ocián y os litorals continentals.

Veyer tamién

• Mar del Sud.
• Chile.
• Hawai.
• Chapón.
• Perú.
• Ocián.

Vinclos externos

• Se veigan as imachens de Commons sobre l'ocián Pacifico.
• South Pacific Organizer
• Map South Pacific
• Pacific Pictures