Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo tracta sobre o boletín dichital O Lupo, que publicaba a Colla Unibersitaria por l'Aragonés. Pa atros emplegos d'a parola lupo, se veiga Lupo (desambigación).

O Lupo yera una revista dichital informativa que editó a Colla Unibersitaria por l'Aragonés entre chinero de 1997 y marzo de 2003, escrita principalment en aragonés, anque tamién contenió seccions en castellano.[1] Lievaba por subtítol Fanzine Eleutronico en Aragonés, y teneba o formato d'un boletín informativo.

A suya tematica yera diversa, tractando mas que mas noticias sobre l'estau d'a luenga aragonesa, as asociacions relacionadas con a luenga, convocatorias d'actos y celebracions, articlos de divulgación y atros temas.[1] S'espublicaba con periodicidat alto u baixo bimensual,[1] anque no soleba estar regular. O suyo zaguer numero, o 29, amaneixió pa lo periodo de chinero a marzo de 2003.

Referencias editar

  1. 1,0 1,1 1,2 (an) Fanzine O Lupo, web de suscripción. Consultada l'11 de mayo de 2017.