Abrir menú principal

O Chuego (The Game en anglés) ye un chuego mental a on l'obchectivo ye d'evitar de pensar en O Chuego mesmo. Pensar-ie anuncia una redota que, seguntes as reglas d' O Chuego, cal anunciar a los atros chugadors cada vegada que s'escayece. Ye imposible de ganar en a mayoría d'as versions d' O Chuego; os chugadors només pueden que intentar de no perder en o mayor tiempo posible. O Chuego ha estato clasificato como absurdo y exasperant pero tamién como provocador y agradable de chugar. Dende 2010, millons de presonas bi chugan arredol d'o mundo, anque en teoría, tot o mundo en ye chugando.

Contenius

ReglasEditar

Bi ha tres reglas prencipals d' O Chuego:

  1. Totas as presonas d'o mundo son chugando a O Chuego (a vegadas alcorzato a: "qualsiquier presona en o mundo que conoixca la existencia d' O Chuego en ye chugando" u, alternativament, "perén yes chugando a O Chuego"). Una vegada que lo conoixes, no en puetz marchar. Una presona no puet no chugar-ie; no cal consentimiento ta chugar-ne y uno mai no puet deixar de chugar-ne.
  2. En pensar en O Chuego, se pierde.
  3. As perdugas han d'estar anunciatas a lo menos a una presona (per eixemplo decindo "he perdito O Chuego" u "plego de perder O Chuego" u per atros medios).

Os reglas chenerals no estableixen un punto en o qualo O Chuego remate. Sindembargo, bi ha diferents variants en as que O Chuego remata quan o primer menistro d'o Reino Unito anuncie en a televisión que "O Chuego ha rematato" u quan a reina d'o Reino Unito te diga que has ganato. En anunciar una perduga, muitas variants deixan un periodo de gracia (d'entre 3 segundos y 30 minutos) ta ixuplidar-se-ne en o qual no se puet perder atra vegada.

EstratechiasEditar

Bells chugadors han desenvolupato estratechias ta fer perder a atra chent, per eixemplo amagando as parolas O Chuego en una conversa, asociando-lo a frases u obchectos comuns u escribindo frases como O Chuego u "hetz perdiu" en una nota, con graffitti en puestos publicos u en billetz.

PsicolochíaEditar

O Chuego ye un eixemplo d'o "proceso ironico", en o que os intentos per evitar bells pensamientos fan ixos pensamientos encara mas persistents.

OrichenEditar

Os oríchens d'O Chuego son inciertos. Bi ha una teoría que diz que una vegada dos hombres perdioron o zaguer tren enta o suyo destín y tenioron que fer nueit en l'andador. Intentoron de no pensar en a suya situación y qui d'os dos lo fese primero, perdeba. Bi ha una atra que diz que fue inventato en Londres en 1996 ta fer a tana a la chent. A referencia mas antiga en Internet ye de 2002.

Vinclos externosEditar