Noguera d'Albarrazín

Noguera d'Albarrazín (Noguera de Albarracín en castellán) ye un municipio aragonés d'a provincia de Teruel, situato en a comarca d'a Sierra d'Albarrazín.

Noguera d'Albarrazín
Municipio d'Aragón
Anvista de Noguera d'Albarrazín.
Entidat  • País  • Provincia  • Comarca	Municipio Aragón  Teruel Sierra d'Albarrazín
Superficie	48 km²
Población  • Total	146 hab. (2016)
Altaria	1.386 m.
Distancia  • 58 km	enta Teruel
Codigo postal	44113
Ríos	Garganta, Noguera.
Coordenatas	40°28’ 1’’N 1°34’58’’U
Noguera d'Albarrazín Situación de Noguera d'Albarrazín en Aragón

A suya población ye de 143 habitants (2008), en una superficie de 48 km², con una densidat de población de 2,98 hab/km².

Contenius

Cheografía

Formacions cheolochicas de Noguera d'Albarrazín.

Noguera d'Albarrazín ye a 1.386 metros d'altaria dencima d'o libel d'a mar, en a versant sud d'a Sierra d'el Tremedal y a la dreita d'o río Noguera (afluent d'o río Garganta). Bi ha un puesto con rocas volcanicas d'edat paleozoica a on se conserva o zaguer caixigar de Quercus pyrenaica d'a redolada.

Noguera d'Albarrazín ye a una distancia de 58 km de Teruel, a capital d'a suya provincia.

Mugas

O suyo termin municipal no muga que con Albarrazín, ye repitiau por una estreita faixa de terreno u "manga" d'o termin d'Albarrazín que lo desepara de Bronchales, Tramacastiella, Villar d'el Cobo, y Griegos. A l'ueste de Noguera se troba un apéndiz d'o termin d'Albarrazín dito El Puerto.

Toponimia

O toponimo Noguera ye transparent en aragonés y se refiere a l'árbol noguera, Juglans regia. En un texto medieval tardano se clama Naxera, o qualo lo podemos interpretar tanto como que Noguera bien d'una interpretación popular de Nachera prenunciato como en castellán d'ixas envueltas, como a o contrario.

Bi ha bell microtoponimo en aragonés como La Artiguilla.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular									4
Partido de los Socialistas de Aragón									1
Total									5

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	César Morón	Partido Socialista Obrero Español

Fiestas

• Primer cabo de semana d'agosto.
• Sant Miguel Arcánchel, patronals, 28 de setiembre.

Vinclos externos

• Se veigan as imáchens de Commons sobre Noguera d'Albarrazín.
• www.NogueraDeAlbarracin.es.