Miguel Chueca Cuartero

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Miguel Chueca Cuartero
Información personal
Calendata de naixencia	3 de chinero de 1901
Puesto de naixencia	Fuent de Xalón (Campo de Borcha, Aragón)
Calendata de muerte	18 d'octubre de 1966
Puesto de muerte	París (Isla de Francia, Francia)
Ocupación	anarquista

Miguel Chueca Cuartero yera un anarquista aragonés naixiu o 3 de chinero de 1901 de Fuent de Xalón (Campo de Borcha, Aragón) y muerto en París (Isla de Francia, Francia) o 18 d'octubre de 1966.

Biografía

Naixiu de Fuent de Xalón en 1901, en 1917 se marchó enta Barcelona an treballó de fustero y obtenió lo titol de mayestría. En 1924 s'afilió a la CNT. En zaguers d'as anyadas 1920 s'instalará en Zaragoza an treballará de bibliotecario y colaborará en a revista Cierzo. Lo 9 de setiembre de 1929 estió condenau a dos anyadas de prisión y 1000 pesetas de pinyora per conspiración a la rebelión. Entre 1930 y 1931 estió redactor de La Antorcha y Cultura y Acción. Participó activament en a Sublevación de Chaca d'o 12 d'aviento de 1930. Con o fracaso d'ista, será feito prisionero y tresladau enta la garchola de Torrero en Zaragoza dica que sía liberau con a proclamación d'a Segunda Republica Espanyola en 1931.

Lo 13 de chulio de 1935 estió aturau per l'asasinato d'o lider d'os esquirols d'as obras d'o Puent d'o Pilar de conchunta con Francisco Foyos, Alejandro Miguel y Isabelo Romero. En salir d'a garchola continará las suyas fayenas propagandisticas en diversos lugars d'Aragón y Navarra dica chulio de 1936.

Una vegada que lo golpe d'estau d'o 18 de chulio de 1936 sale abance en Zaragoza, Chueca fuye enta Casp y en octubre de 1936 participó en a constitución d'o Consello Rechional de Defensa d'Aragón, d'o como estió consellero de Treballo, vicepresident y delegau d'o Comité Rechional d'a CNT en iste organismo.

En acabar a guerra civil espanyola s'exilia enta Francia. Asinas, en 1941 s'establió en Montalban, an treballó de picador. En 1942 colaboró con o rete de Francisco Ponzán, pero estió capturau y deteniu en o campo de Vernet. Entre 1944 y 1946 participó en numbrosos mintins en diversas ciudaz d'a Occitania. Estió nombrau secretario de propaganda d'a CNT y dende 1945 dica 1946 s'encargará d'a tresorería d'a CNT. Manimenos estió esfurriau en 1948 per participar en o Congreso de Viena, de caracter pro-comunista. Con os anyos se va a quedar ciego y fenezió lo 18 d'octubre de 1966 en estar atropellau per un cambión en París.