María Antonia Zorraquino

María Antonia Zorraquino
Información personal
Calendata de naixencia 1904
Puesto de naixencia Flag of Aragon.svg Zaragoza, Aragón
Calendata de muerte 22 de noviembre de 1993
Puesto de muerte Flag of Aragon.svg Zaragoza, Aragón
Ocupación Quimica.
Conchuche Juan Martín Sauras
Fillos Juan (1932), María del Pilar (1933) y M.ª Antonia (1948)

María Antonia Zorraquino Zorraquino (Zaragoza, 1904-22 de noviembre de 1993)[1][2] fue una investigadora y bioquimica aragonesa.

BiografíaEditar

A suya familia teneba una fabrica de chicolate y su pai yera en favor d'a educación d'as mullers.[3] María Antonia asistió, dende os tres anyos, a o Colechio Superior pa Senyoritas, a on aprendió, entre atras materias, francés y matematicas. Dimpués de pasar por atras escuelas, remató fendo o bachillerato en o Instituto Cheneral y Tecnico de Zaragoza.

En primerías le intresaban mas as sciencias pero quan miró a traviés d'o microscopio en o laboratorio d'o doctor Rocasolano, amigo de su pai, sapió ascape que quereba estudear quimica, como explicó en una entrevista.[3]

Se doctoró en 1930 en a Facultat de Sciencias d'a Universidat de Zaragoza con a tesis «Investigaciones sobre estabilidat y carga electrica d'os coloides» y yera a unica muller d'a suya promoción que teneba ventitrés hombres.[1]

Desembolicó o suyo treballo en o Laboratorio d'Investigaciones Bioquimicas baixo a dirección de Gregorio Rocasolano. En 1931 se casó con Juan Martín Sauras, catedratico de Quimica en a Universidat de Zaragoza, con qui tenió tres fillos: Juan, que nació en 1932, María del Pilar, nació y murió en 1933 y M.ª Antonia que nació en 1948 y ye catedratica de Luenga Espanyola en a Universidat de Zaragoza.[2] A tamás de que l'habría feito goyo de continar con a suya faina en o Laboratorio de Quimica, o su mariu no consideró apropiau que una muller casada treballara fuera de su casa. Murió o 22 de noviembre de 1993.

ReferenciasEditar

  1. 1,0 1,1 (es) María Antonia Zorraquino Zorraquino
  2. 2,0 2,1 (es) Comarca Andorra Sierra Arcos. Coleccion Territorio
  3. 3,0 3,1 (es) Pioneras españolas en las ciencias: las mujeres del Instituto Nacional de Física y Química. Carmen Magallón Portolés, 2004. Consejo Superior de Investigaciones Científicas. ISBN 84-00-07773-3. Pach. 106-109