Abrir menú principal
Manuel Buenacasa Tomeo
Información personal
Calendata de naixencia 7 de chulio de 1886
Puesto de naixencia Flag of Aragon.svg Casp (Baixo Aragón-Casp, Aragón)
Calendata de muerte 6 de noviembre de 1964
Puesto de muerte Flag of Occitania.svg Lo Borg de Valença (Droma, Occitania)
Ocupación Sendicalista, periodista y politico

Manuel Buenacasa Tomeo, naixito de Casp (Baixo Aragón-Casp) o 7 de chulio de 1886 y muerto en Lo Borg de Valença (Droma, Occitania) o 6 de noviembre de 1964, estió un sendicalista, periodista y politico aragonés, melitant d'a Confederación Nacional d'o Treballo (CNT), sendicato en o qual ocupó cargos destacatos.

Mientres a suya choventut, estió en primeras estudiant en un seminario en a provincia de Sevilla, ta dimpués treballar en o sector d'a carpintería en a ciudat de Zaragoza, estando alavez quan dentró en a CNT. En ixas envueltas tamién fació prous viaches por Europa, en conoixendo a presonalidatz como Errico Malatesta, Lenin, Grigori Zinoviev u Mohandas Karamchand Gandhi. Tornó a la peninsula iberica, estando engarcholato succesivament en quantas garcholas d'Espanya y esleito en 1918 en estar liberato secretario d'o Comité Nacional d'a CNT.

Dimpués, destacó en a organización d'a CNT en Aragón, estando impulsor d'a vada cheneral de 1920 en Zaragoza, mesmo que director de Cultura y Acción, organo de l'anarcosendicalismo aragonés. En zaguerías d'a dictadura de Primo de Rivera s'exilió en a ciudat de Tolosa, no tornando a Espanya dica 1930. Mientres a guerra civil estió en Barcelona, exiliando-se en rematar a guerra con a victoria franquista. En o exilio en Francia treballó por a reconciliación entre os diferents sectors d'a CNT dica a suya muerte.

ObrasEditar

  • 1928: El Movimiento Obrero Español (1886-1926). Historia y Crítica.

Vinclos externosEditar