Mamblas (Zaragoza)

Este articlo tracta sobre Mamblas, antigo barrio de Zaragoza. Pa atros usos de la parola Mamblas, veyer Mamblas (desambigación).

Mamblas estió un lugar de lo termin municipal de Zaragoza en la marguin cucha de lo río Galligo muito cerca d'a on este río se reculle en l'Ebro. Los termins de lo lugar de Mamblas corresponden a los territorios a on huei son Montanyana, Santa Isabel y Villamayor de Galligo.

Mamblas
Lugar d'Aragón
Entidat
 • País
 • Provincia
 • Comarca
 • Municipios
Lugar
Flag of Aragon.svg Aragón
Flag of Zaragoza province (with coat of arms).svg Zaragoza
Comarca Central
Zaragoza y Villamayor de Galligo
Población
 • Total

0 hab.
Parroquial
 • Diocesi

Arch. de Zaragoza
Ríos Galligo
Coordenatas 41°42’22’’N 0°49’ 9’’U
Mamblas en Aragón
Mamblas
Mamblas
Situación de Mamblas en Aragón

ToponimiaEditar

Mamblas ye un toponimo recurrent en la Peninsula Iberica que provién de lo latín MAMMŬLA[1] (MAMMA con sufixo -ula), fendo referencia a formas de lo terreno como por eixemplo a antepueyos u a sinclinals pendius. Existió la variant toponimica con l'articlo arabe aglutinau Almamblas, visible en los "Documentos de lo Pilar":

in termino de Almamblas VIII kafices de terra seminatura

HistoriaEditar

En los "Documentos d'el Pilar" ya mencionan un casal dito Mamblas en tiempos chusto dimpués de la reconquiesta de Zaragoza. En 1151 lo conte Remón Berenguer IV atorgó a los habitadors de Mamblas un corral.[2]

En lo sieglo XIII lo casal de Mamblas se fusionó con Montanyana y Santa Isabel, fendo los tres part d'una sola entidat de poblamiento en lo forcallo de lo río Galligo con lo río Ebro. Esta entidat recibió la denominación de Mamblas[3] por estar lo nuclio mes gran de lo conchunto. Perteneixeba a l'Arciprestato de Zaragoza.[4]

Item a vicario Dalfinden / Item a vicario de Mamblas /Item a vicario de Villamaior

Ye mencionau en lo "monedache de 1302" pero no en lo fogache de 1495. Manimenos escriben Mamblas en los censos oficials de 1910 y 1920 pa referir-se a l'actual barrio de Santa Isabel,[3] que sería de entre las localidatz actuals lo continuador mes directo de l'antigo Mamblas.

ReferenciasEditar

  1. (es) Juan Antonio Frago Gracia: Toponimia navarroaragonesa del Ebro (IV): Orónimos ISSN 0210-5624, Vol. 30-31, 1982 , pachinas. 23-62 [1]
  2. (es) UBIETO ARTETA, Antonio: Historia de Aragón. Los pueblos y los despoblados II (Ed. Anubar. Zaragoza, 1984) pp 838-839
  3. 3,0 3,1 (es) Isidro Aguilera Aragón, José Luis Ona González (Coordinadors): Delimitación comarcal de Zaragoza Gobierno de Aragón. Colección Territorio, p 122, p 387
  4. (es) José Rius Serra:Rationes decimarum Hispaniae (1279-80): Aragón y Navarra. CSIF 1946.


Lugars desapareixitos de lo municipio de Zaragoza
Mamblas | Sant Per de Cortada | Viliella
Lugars desapareixitos de lo municipio de Villamayor de Galligo
Mamblas