Macedonyos
- Este articlo ye sobre l'actual pueblo eslavo de Macedonia. Pa l'antigo pueblo paleobalcanico veiga antigos macedonyos.
| Macedonyos Македонци | |||||||||
|---|---|---|---|---|---|---|---|---|---|
 | |||||||||
 | |||||||||
 Macedonia d'o Norte 1.297.981[1] | |||||||||
| |||||||||
| Macedonyo | |||||||||
| Pueblos eslavos | |||||||||
 | |||||||||
Os macedonyos[5] (en macedonyo Македонци) son os habitants eslavos nativos de Macedonia d'o Norte, estando mayoritarios en esta zaguera y formando minorías en Bulgaria, Grecia y Albania. Parlan o macedonyo, una luenga eslava meridional d'a mesma branca que o bulgaro, (de feito as dos luengas pueden considerar-sen codialectos), y son mayoritariament cristians ortodoxos.
O territorio y/u a identidat d'os eslavos macedonyos ha estau historicament disputada por os griegos, bulgaros, serbos, albaneses y l'Imperio Otomán (encara bi ha presencia de turcos rumelís).
O cierto ye que os eslavos macedonyos yeran vistos por os bizantins como un pueblo eslavo invasor més a qui caleba asimilar, y en parte facioron. Estioron eslavos cristians d'a zona de Salonica qui contribuyoron a cristianizar a los actuals eslavos ortodoxos con una liturchia en un idioma eslavo muito cerca d'o proto-eslavo y dito eslavo eclesiastico. A mayor parte d'o territorio eslavo de Macedonia pasó a fer parte d'o primer Imperio Bulgaro. Ohrid yera un centro relichioso ortodoxo y plegó a estar a capital d'os bulgaros. A Bulgaria occidental d'Ohrid estió a zaguera parte d'este imperio en ser conquiesta por l'Imperio Bizantín. Macedonia dixó d'estar baixo a orbita bulgara con a expansión d'o reino serbio de Dušan, que ocupó tierras eslavas no serbias, vlacas y griegas y plegó dica os ducaus d'Atenas y Neopatria, pa dimpués cayer en mans d'os turcos otomans. A zaguers d'o sieglo XIX y en o sieglo XX o territorio macedonyo yera disputau por griegos, bulgaros y serbos y a identidat d'os eslavos macedonyos yera obchecto de baralla entre o nacionalismo serbisco y bulgaro, cosa que fue "solucionada" en 1946 en a Yugoslavia plural de Tito: os macedonyos son consideraus como una nación diferent y Macedonia una republica, en contra d'os intreses d'o nacionalismo serbisco.
HistoriaEditar
A población de Macedonia en o periodo román y en os anyos escurosEditar
O territorio de Macedonia prene nombre d'os antigos macedonyos, antigo pueblo indoeuropeu que ocupaba una chicota part de l'actual Macedonia Griega on creyoron o Reino de Macedonia, que baixo a presona d'Aleixandre lo Gran podió creyar un gran imperio que abracaba a gran parte d'o territorio griego y Orient Meyo. Se discute si os macedonyos yeran indoeuropeus d'a branca griega u d'una branca paleobalcanica, en tot caso os griegos no los consideraban como tals, pero se helenizoron, proceso que continó en o periodL'román, igual que con os pueblos ilirios y cheto-dacos que viviban més a l'interior (l'actual Macedonia d'o Norte correspondeba en part a Dardania).
En o periodo d'as segundas invasions barbaras, Macedonia, como a mayor parte d'a Grecia continental, fue invadida por os eslavos, que se facioron con o poder. Por manca de fuents no se conoix como yera a coexistencia d'os eslavos y os habitants griegos y vlacos autoctonos, pero si que ye claro que i habió un proceso d'eslavización a lo que escaporon os vlacos transuants d'os monts, que tamién tenioron un proceso migratorio ixemenando-sen por os totz os Balcans.
A reconquiesta bizantina de Macedonia y o primer Imperio BulgaroEditar
Os bizantins facioron campanyas contra os eslavos, reconquerindo muitos territorios. Deportoron muitos eslavos t'Asia Menor. O dominio d'a Macedonia interior yera dificil porque en esta rechión heban de luitar contra a expansión d'o primer Imperio Bulgaro. En o "Libro de los Emperadors" parlan d'un senyor d'Esclavonia a qui quereban demandar aduya os ateniens en os zaguers anyos d'a emperadriz Irene, y ye tentador pensar que se referise a un territorio habitau por eslavos macedonyos en l'actual Grecia:
L'emperador Niceforo I forachitó a muitos eslavos d'o Peloponiso occidental y i reasentó griegos exellaus d'esta rechión.
Quan o primer Imperio Bulgaro entró en decadencia, a suya parte oriental, que incluiba Macedonia, yera o suyo centro de poder. Samuel I creyó un estau centrau en Ohrid.
O emperador bizantín Basilio II encomenzó una guerra d'ocupación contra Bulgaria y li posoron d'embotada Bulgaroctonos, (matador de bulgaros). En 1014 lis inflichió una derrota decisiva y ninvió a lo rei Samuel 14.000 presioners bulgaros con uellos buidaus guiaus por un tuerto. Quatre anyadas més tarde o zaguer rei de Bulgaria morió en batalla.
Os macedonyos entre bizantins, bulgaros y serbosEditar
I habió un periodo de dominación bizantina.
En o sieglo XII, con o estau bulgaro reconstruito, o territorio de Macedonia yera disputau entre os bulgaros y os serbos, pueblo con un estau en expansión y que enantes yera restrinchiu a una zona montanyosa més a l'ueste y en una chicota porción d'a costa hadriana (actuals Herzegovina oriental, Montenegro, Sanchac y Kosovo). En 1346 o rei de Serbia Esteban Dušán se fa coronar en Skopje emperador d'os serbos y griegos. A extensión d'a Serbia de Dušan plegaba dica a Mar Echea y heba conquiesto a los mesmos almogavars territorios d'o Ducau de Neopatria. En a "Cronica de Morea" parlan d' esclavons:
.
O dominio otománEditar
Os otomans prenen Macedonia en a decada de 1380, y mantendrán o control d'esta rechión dica 1912. Muitos turcos anatolians s'establixen en Macedonia, y tamién bells eslavos macedonyos s'islamizan (en o mesmo proceso que os pomacos de Bulgaria). Os eslavos musulmans que prenen a luenga turca esdevienen turcos rumelís. Bi ha movimientos de población, producindo-se emigracions y inmigracions que afectan a vlacos, albaneses y griegos.
Entre o nacionalismo bulgaro y o nacionalismo serbioEditar
En 1870 os bulgaros consiguen que s'instituya dentro d'a Ilesia Ortodoxa una eparquía bulgara con seu en Veles, que incluye a mayor parte d'a Macedonia d'o Norte actual. En a guerra ruso-turca de 1877-1878 por o tractau de Sant Stefano o soldán acepta a creyación d'una gran Bulgaria que incluye a Macedonia, pero a presión britanica fa que en o Congreso de Berlín en 1878 a extensión de Bulgaria siga més redueita y que Macedonia no siga incluita en o territorio de Bulgaria. Alavez se produce una gran achitación social. Os komitadjis reclaman l'autonomía y se creya a ORIM (Organización Revolucionaria Interior Macedonya). Os bulgaros dende 1893 refirman a la ORIM. Bi ha disturbios y atentatos. A insurrección de Sant Elías o 2 d'agosto de 1903 dura tres meses. O Exercito turco crema 200 lugars d'a redolada de Monastir y permite as exaccions d'os bachibuzuks (clausulas adicionals). As potencias europeas demandan reformas y estableixen una chendarmería en a rechión con presonal forano. A l'anyo vinient s'elabora un cens.
Os turcos reaccionan a la intervención prenendo actitutz nacionalistas y en 1906 se creyó en Salonica un Comité otomán d'a libertat con miembros que dimpués tenioron un papel clau en a revolución d'os Chóvens turcos en 1908.
As guerras balcanicasEditar
En a Primera Guerra Balcanica (octubre de 1912-marzo de 1913) os serbians conquerioron o territorio de l'actual Macedonia d'o Norte, os griegos conquieren l'actual rechión griega de Macedonia. Os bulgaros, que han combatiu en l'este a los turcos, atacan en chunio a los serbians y griegos pa ocupar Macedonia encomenzando a Segunda Guerra Balcanica. Os bulgaros pierden a guerra y con ella a posibilidat d'anexionar-se Macedonia, que os bulgaros consideran un territorio historicament bulgaro. Esto fará en o futuro que os bulgaros interviengan contra os serbians y griegos en a Primera y Segunda guerras mundials como aliaus d'os alemans d'Alemanya y Austria.
As dos guerras mundialsEditar
Bulgaria entra en a Primera Guerra Mundial en o bando d'as Potencias Centrals en octubre de 1915 y ocupa Macedonia con l'aduya d'as tropas alemanas forachitando a las tropas serbias. Tres anyadas dimpués o Frent Oriental se creba y Macedonia torna a Serbia en aplicación d'un armisticio.
En o periodo d'entreguerras Macedonia, como part de Serbia, no se beneficia de garra estatuto especial en o Reino d'os Serbos, Crovates y Eslovenos. Bulgaria preba de mantener l'achitación en Macedonia dica zaguers d'a decada de 1920.
En o territorio meridional de Macedonia os griegos imposan una campanya d'helenización que durará pa cutio. Os macedonyos actuals de Grecia son muito asimilaus a los griegos.
En 1941, mientres a Segunda Guerra Mundial, Bulgaria troba l'inte d'ocupar Macedonia como aligada de l'Exe. Manimenos, la zona poblada por albaneses en o norueste ye ocupada por os Italia, ixamplando asinas a suya colonia d'Albania. Os bulgaros prebarán d'asimilar a los macedonyos.
Macedonia como republica yugoslavaEditar
Tito creya una nueva Yugoslavia més plural en a que aturan muitas aspiracions d'os nacionalistas serbos y crovates. D'esta traza oficialment s'acepta a existencia d'identidatz nacionals que no yeran aceptadas por os nacionalismos crovate y serbio. Os musulmans de luenga serbocrovate son consideraus “musulmans” (re-prenendo una prebatina d'o periodL'austro-hongaro, fendo-los diferents tanto d'os crovates como d'os serbos) y os eslavos de Macedonia son consideraus “macedonyos”. Tito desepara Macedonia d'o territorio de Serbia con categoría de Republica (Republica Socialista de Macedonia), y da autonomía a dos rechions de Serbia con una alta proporción de minorías no serbias, Voivodina y Kosovo. En 1946 o luengache macedonyo esdevién a luenga oficial de Macedonia d'o Norte, y tien como base a parla de Prilip.
En a zaguera decada d'existencia de Yugoslavia i habió reivindicacions nacionalistas albanesas. Os albaneses reclamaban a formación d'una republica albanesa con o Kosovo y a zona de mayoría albanesa de Macedonia.
Quan en 1990 Yugoslavia ya ye camín d'esminglanar-se, os macedonyos s'amuestran prudents.
Macedonia independientEditar
Dimpués d'as esleccions libres de noviembre-aviento de 1990, s'aprueba en chinero una declaración de sobiranía. Kiro Gligorov, o dirichent d'a Liga d'os Comunistas de Yugoslavia, ye esleito president d'a Republica. Dica 1991 no s'organiza un referendum d'independencia. Os albaneses boicoteyoron o escrutinio, y con o 75% d'os votants o resultau estió de 95% a favor d'a independencia. Bulgaria estió o primer estau en reconoixer a la Macedonia independient, o 16 de febrero de 1992.
Encara que os nacionalistas serbos se planteyaban encomenzar a guerra en Macedonia desacherando o numero de serbos que i residiban, no teneban medios porque yeran ocupaus en guerras en Croacia y Bosnia y Herzegovina.
O problema principal d'a Macedonia independient en politica internacional estió a hostilidat de Grecia. Grecia tien una rechión dita Macedonia con una minoría eslava en camín de desapareixer por asimilación. Grecia desichiba que Macedonia faiga constar en a suya Constitución que no tien garra reivindicación territorial y que se cambeye o nombre, (l'argumento ye que tenendo nombre de Macedonia reclamaba a rechión con o mesmo nombre y que o toponimo ye d'orichen griego y no lo podeban fer servir como denominación d'estau os eslavos, que no son griegos).
En abril de 1993 un compromís permite que Macedonia siga miembro d'a ONU y ocupe o suyo puesto con o nombre d'Antiga Republica Yugoslava de Macedonia.
Dimpués d'a guerra d'o Kosovo, os albaneses han prebau de fer-sen con o control de zonas d'o norueste de Macedonia y i ha habiu combates en Titovo.
Bell macedonyo famosoEditar
ReferenciasEditar
- ↑ (en) Censo de 2002.
- ↑ (en) Censo de 2006.
- ↑ (it) Foreign Citizens in Italy, 2007.
- ↑ (es) Nacidos en el extranjero, residentes en Aragón en 2021. Instituto Aragonés de Estadística
- ↑ (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.