Macedonia (provincia romana)

Iste articlo ye sobre a provincia romana de Macedonia; t'atros usos, se veiga Macedonia.

Macedonia estió una provincia romana situata en territorios d'as actuals Albania, Republica de Macedonia, Bulgaria y Grecia y creyata con os territorios de l'antigo Reino de Macedonia, Epiro y Tesalia y partz d'Iliria, Paeonia y Tracia. A suya capital yera Salonica.

Macedonia Macedonia et Achaea Ἐπαρχία Μακεδονίας
Provincia d'o Imperio Román
Entidat  • Estato	Provincia Imperio Román
Capital	Salonica
Idioma oficial	Griego y latín
Mugas	Acaya a o sud, Tracia, Mesia Superior y Dalmacia a o norte
Correspondencia actual	Albania, Republica de Macedonia, Bulgaria y Grecia
Macedonia, en l'imperio román

Os romans creyoron esta provincia ya en tiempos d'a Republica Romana dimpués d'a sublevación d'a población autoctona de l'anyo 148. En tiempos d'Augusto yera una provincia d'administración senatorial. Quan l'imperio se dividió en dos partitas Macedonia quedó en l'Imperio Román d'Orient.

As ciudatz yeran de población autoctona u colonias romanas como Filipos. A Vía Egnatia permitiba a comunicación con Roma y Asia, (dende Dyrrachion ta Hebros y dimpués Bizanzio.

En o sieglo IV fue devastata por os godos. As invasions barbaras producioron despoblacions. En o periodo bizantín primerenco se producioron incursions eslavas y en una d'ellas os griegos bizantins perdioron o control de Macedonia. Se produció una intensa inmigración d'eslavos, que ocupaban un bueito poblacional y rematoron por predominar en esta rechión que l'Imperio Bizantín remató recuperando sieglos dimpués.