Livel d'a mar

(Reendrezau dende Libel de la mar)

Se diz livel d'a mar a lo livel que se fa servir como referencia pa mesurar l'altitut d'as localidatz y accidents cheograficos, de fueras d'os releus submarins, que se mesuran por a suya fondura.

Placa oficial d'una estación de tren con l'altaria respecto a lo livel d'a mar en Alicant.
Penyas blancas de Dover (Anglaterra), l'augua d'a mar en o cabaixo.

O livel d'a mar no ye constant a causa d'as mareas, y tampoco en totz os puestos d'a Tierra, en cada país prenen un livel predeterminau en un puesto concreto y a determinada hora. Qualsiquier altitut que se quiera calcular en dito país se fa en comparanza con ixe livel d'a mar predeterminau.

En Espanya se prene como livel 0 pa referencias no submarinas l'altaria meya d'a mar en o mareografo d'Alicant entre os anyos 1870 y 1882, mientres que pa las submarinas o livel 0 ye a baixamar escorada d'o mesmo puesto.