Leura
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Leura ye una localidat d'a Ciudat d'os Monts Azuls situada a 100 km de Sydney en Nueva Galas d'o Sud, Australia. Fa parti d'una serie de chicotas localidaz que se troban a o largo d'a Main Western railway line y a Great Western Highway, linia ferroviaria y autovía respectivament que trescruzan o Parque Nacional d'os Monts Azuls. Leura ye situada chunto a Katoomba, o prencipal centro urbán d'as montanyas, y os dos lugars se chuntan en a parti occidental de Leura.[1]
| Leura | |
| Localidat d'Australia | |
 Leura Mall, prencipal carrera de Leura | |
| País • Estato |
 AustraliaNueva Galas d'o Sud |
| Población • Total |
4644 hab. (2016) |
| Altaria • Meyana |
985 m. |
| Codigo postal | 2780 |
| Coordenadas | |
Historía
editarO nombre de Leura deriva supuestament d'a palabra aborichen ta decir "lava".[2] Manimenos, pareixe que no ha habiu erupcions volcanicas en Nueva Galas d'o Sud a o menos en os zaguers 10 millons d'anyos.
Descripción
editarL'altaria de Leura, de 985 m, fa que nieve ocasionalment d'hibierno, tenendo un clima que reflecta clarament as cuatre estacions. En o censo oficial de 2011, Leura teneba una población de 4.365 personas.
O centro d'a localidat se troba en Leura Mall, carrera que ye dividida en iste punto por una mechana de hierba con cereseras. S'ha mirau de preservar l'aspecto historico d'as suyas carreras, encara que ha habiu por eixemplo discusions sobre o desenvolique d'un complexo comercial en o puesto a on se trobaba d'antis mas un antigo almadazén de distribución. Redisenyau ta adaptar-se millor a l'ambient de Leura Mall dimpués de cuantas consultas con a comunidat, o nuevo centro comercial fue completau, incluyindo un supermercau d'a cadena Woolworths y una botiga de bebidas alcolicas. L'edificio historico d'a oficina de correus ye actualment seu d'una achencia de noticias. L'hotel Alexandra, situau no muit luent d'a gara, ofreixe polidas anvistas panoramicas dende terraza situada en a parti zaguera. Bi ha un important numero de restaurants y cafeterías a o largo de Leura Mall, asinas como botigas de regalos y antigüedaz.
En 2016, Leura fue incluyida en a lista d'as 50 chicotas localidaz mas irresistibles, exoticas, historicas y de postal d'Australia.[3]
Referencias
editar- ↑ Blue Mountains Tourist Map, Eighth Edition, 1988, New South Wales Government
- ↑ (en) "PLACE NAMES.". The Australian Women's Weekly (National Library of Australia): p. 61. 13 de mayo de 1964. http://nla.gov.au/nla.news-article55185386. Retrieved 22 de febrero de 2011.
- ↑ (en) Media, Australian Community Media - Fairfax (30 de setiembre de 2016). "Leura one of the best towns". Blue Mountains Gazette. http://www.bluemountainsgazette.com.au/story/4199513/leura-one-of-the-best-towns/.
Vinclos externos
editar
Datos: Q3237124
Multimedia: Leura, New South Wales / Q3237124
