Abrir menú principal

Julián Borderas Pallaruelo

(Reendrezato dende Julián Borderas)
Julián Borderas Pallaruelo
Información personal
Calendata de naixencia 1899
Puesto de naixencia Flag of Aragon.svg Chaca (Chacetania, Uesca)
Calendata de muerte 1980
Puesto de muerte Flag of Mexico.svg Mexico
Ocupación Politico

Julián Borderas Pallaruelo, (dito O Sastre) naixito de Chaca (Chacetania, Uesca) en 1899 y muerto en Mexico en o exilio en 1980, estió un politico aragonés, con destacata actividat politica en Aragón en a Dictadura de Primo de Rivera, a Segunda Republica Espanyola y a Guerra Civil Espanyola.

A dictadura de Primo de RiveraEditar

En 1928 (mientres d'a Dictadura de Primo de Rivera) Borderas, que yera alavez o propietario d'una chicota sastrería, estió o fundador de l'Agrupación de Chaca d'o Partido Socialista Obrero Español.[1] Asinas, en ixe mesmo anyo partecipó en o Congreso Federal d'o Partito en representación d'a melitancia socialista chaquesa.[2]

A Sublevación de ChacaEditar

O 12 d'aviento de 1930, Borderas prenió parte en a Sublevación de Chaca d'os capitans Fermín Galán, Ángel García Hernández, Salvador Sediles, Miguel Gallo Martínez y Luis Salinas, chunto con atros politicos chaqueses, como Antonio Beltrán Casaña u Alfonso Rodríguez Subirana. O mesmo día d'a Sublevación, s'establió una Chuina Provisional Republicana, que nombró a l'alcalde provisional (Pío Díaz Pradas) y unos rechidors tamién provisionals, estando-ne uno Julián Borderas.[3] Engarcholato por a suya partecipación, fue liberato en abril de 1931 dimpués d'a proclamación d'a Segunda Republica Espanyola.[1]

A Segunda RepublicaEditar

En as eleccions chenerals de febrero de 1936 en Espanya, Borderas fue esleito deputato en o Congreso d'os Deputatos por a provincia de Uesca.[1][4] Recibió 47.582 votos.[5]

A Guerra CivilEditar

O 18 de chulio de 1936, dimpués d'o pronunciamiento melitar, Borderas, con l'alcalde de Chaca Julián Mur, Antonio Beltrán Casaña y atros luitoron contra os sublevatos, encara que dimpués habioron de retirar-se-ne ta Francia.

En tornar t'a zona republicana por Catalunya, Borderas estió uno d'os colaboradors d'Antonio Beltrán ta organizar as unidatz melitars de republicans fuyitos d'as zonas controlatas por os sublevatos en Chacetania y en as Cinco Villas. Con els formoron grupos que dimpués estioron o Batallón Alto Aragón y o Batallón Cinco Villas, d'a 130ª Brigada Mixta y a 43ª División. Borderas estió comisario politico d'a 130ª Brigada Mixta, mandata por Mariano Bueno Ferrer, y dimpués estió comisario en o X Cuerpo d'Eixercito de Miguel Gallo Martínez.[1]

O exilioEditar

Dimpués d'a redota en a guerra, Julián Borderas s'exilió en Mexico, a on morió en 1980, vivindo-ie d'o suyo treballo como sastre.[1] Tamién colaboró en o cine mexicán,[6] y en plegar ta Mexico a Junta de Auxilio a los Republicanos Españoles li encargó fer ropa ta os exilatos.[7]

Vinclos externosEditar

ReferenciasEditar

  1. 1,0 1,1 1,2 1,3 1,4 (es) Antonio Gascón Ricao: 11 Pequeñas Biografías. Julián Borderas Pallaruelo, el Sastre.
  2. (es) El movimiento obrero en Sabiñánigo 1931-1936, en Amigos del Serrablo.
  3. (es) Esteban C. Gómez: La insurrección de Jaca. Los hombres que trajeron la República. Ed. ESCEGO (edición presonal), Barcelona, 3ª edición, chinero de 2005. ISBN 84-905-5798-7; pachina 291.
  4. (es) Diputados del PSOE en la II República en www.exiliados.org.
  5. (es) La Vanguardia d'o 21 de febrero de 1936.
  6. (es) Películas del cine mexicano: Pepita Jiménez (1945).
  7. (es) Actas de la JARE, Archivo Carlos Esplá.