Ixamplamiento d'o fondón ocianico

L'ixamplamiento d'o fondón ocianico ye un proceso cheolochico interno que consiste en que la litosfera ocianica (que leva crosta ocianica en lo cabalto) se forma en las dorsals centro-ocianicas por solidificación de magmas y dende las dorsals se va movendo gradualment enta las marguins de l'ocián ixamplando-lo y deixando un espacio a on se forma mes crosta ocianica, que s'adhibe por acreción a l'anterior.

Esquema de l'ixamplamiento d'o fondón ocianico. Herkunft: USGS

Quan la litosfera ocianica ye prou luent d'a dorsal s'enfrede, augmenta de densidat y tiende a baixar en altaria pa rematar introducindo-se por subducción baixo atra placa litosferica y reciclar-se por fusión en lo manto; alavez l'ocián deixa d'ixamplar-se.

A teoría de l'ixamplamiento d'o fondón ocianico estió una teoría movilista formulada por Harry Hammond Hess d'a Universidat de Princeton en la decada de 1960.[1], y fue demostrada con datos paleomagneticos. A teoría de l'ixamplamiento d'o fondón ocianico estió una teoría precursora d'a teoría d'a tectonica de placas, y fue incluita en este modelo cheodinamico.

Actualment ye una teoría acceptada amés d'un feito observable dreitament u indreita. Lo satelite Lageos ha mediu movimientos entre placas. Por atra part quan se levó a cabo lo prochecto famous a lo sud de las Islas Azores observoron que en la Dorsal Centroatlantica produciba 0,8 cm de litosfera ocianica en la placa nordamericana y 1,3 cm en la placa africana.[2]

ReferenciasEditar

  1. Hess, H. H. (November 1962). “History of Ocean Basins”, A. E. J. Engel, Harold L. James, and B. F. Leonard: Petrologic studies: a volume to honor of A. F. Buddington. Geological Society of America, 599–620. Consultato lo 8 September 2010.
  2. Francisco Anguita Virella, Fernando Moreno Serrano. Procesos Geológicos Internos. Editorial Rueda. Madrit 1991. pp 146-148

BibliografíaEditar