Hugo Chávez
| Hugo Chávez | |
|---|---|
| |
52eno President de Venezuela
| |
| 2 de febrero de 1999 – 5 de marzo de 2013 | |
| Lugartenient | Isaías Rodríguez (2000) Adina Bastidas (2000-2002) Diosdado Cabello (2002) José Vicente Rangel (2002-2007) Jorge Rodríguez Gómez (2007-2008) Ramón Carrizales (2008-2010) Elías Jaua Milano (2010-2012) Nicolás Maduro (2012-2013) |
| Precediu por | Rafael Caldera |
| Succediu por | Nicolás Maduro (interino) |
| 9 de marzo de 2007 – 5 de marzo de 2013 | |
| 1996 – 9 de marzo de 2007 | |
| Naiximiento | 28 de chulio de 1954 Sabaneta, Barinas
|
| Muerte | 5 de marzo de 2013 Caracas
|
| Partiu | Partido Socialista Unido de Venezuela |
| Profesión | Melitar |
| Alma Máter | Academia Melitar de Venezuela |
| Relichión | Catolica |
| Sinyal | 
|
Hugo Chávez Frías, naixito de Sabaneta (Barinas) o 28 de chulio de 1954 y muerto en Caracas o 5 de marzo de 2013, estió un melitar y politico venezolán, qui estió president de Venezuela dende o 2 de febrero de 1999 dica la suya muerte o 5 de marzo de 2013.[1]
En chulio de 2012 anunció que s'heba recuperato d'a malautía de cáncer que li heba estato diagnosticata.[2] O 7 d'octubre de 2012 ganó as eleccions presidencials de 2012, redotando a o candidato d'a oposición, Henrique Capriles, con un 54,4% d'os votos frent a un 44%.[3]
Primers anyosEditar
Era fillo d'os mayestros Hugo de los Reyes Chávez y Elena Frías. Se casó dos vegadas y yera pai de quatre fillos. Realizó estudeos professionals en l'Academia Melitar de Venezuela y de sciencias politicas en a Universidat Nacional Experimental Simón Rodríguez (UNESR). Fue condecorato en quantas ocasions y teneba o grau melitar de tenient coronel.
En 1982, fundó clandestinament con atros melitars o Movimiento Bolivariano Revolucionario-200 (MBR-200), de cuchas y nacionalista. Postulato como candidato, y con o refirme de quantos partius politicos de cuchas, ganó as eleccions d'o 6 d'aviento de 1998 y se convirtió en o 53eno president d'a Republica.
Carrera melitarEditar
O CaracazoEditar
En zaguerías d'os anyos 1980, o president venezolano Carlos Andrés Pérez aplica un plan de choque neoliberal baixo os dictatos d'o Fundo Monetario Internacional (FMI).
O 27 de febrero de 1989 as clases populars de Caracas se mobilizan masivament contra ista mida en un movimiento dito Caracazo y como respuesta, Carlos Andrés Pérez ordena a l'exercito reprimir as manifestacions populars, causando entre 500 y 5000 muertos, seguntes as fuents.
Ista orden de disparar contra a población civil prevoca un gran refuese aintro d'as mesmas fuerzas armadas, y son quantos os melitars que buscan destins a on no sían obligatos a cumplir-la, entre ells Hugo Chávez.
A insurrección de 4 de febrero de 1992Editar
O 4 de febrero de 1992 un grupo de melitars dirichitos por Chávez protagonizan un golpe d'estato contra o gubierno de Carlos Andrés Pérez. O golpe fracasa, y Chávez, dimpués d'exponer breument a enchaquia d'a suya insurrección y d'asumir a responsabilidat d'os feitos, anuncia a suya rendición en un discurs televisato, "ta mirar d'evitar redamamiento de sangre inecesario" seguntes as suyas parolas. O intento golpista, sin de precedents dende que o 23 de chinero de 1958 un movimento civico-militar hese derrocato a dictadura de Marcos Pérez Jiménez, encara que ista vegada yera dirichito contra un rechimen constitucional, fue acullito con goyo por una parti considerable d'a población. Chávez fue engarcholato ascape en a garchola de Yare, pendient de chuicio.
O 27 de novembre d'o mesmo anyo un atra colla de melitars descontentos protagoniza un nuevo intento de golpe d'estato que tamién fracasa, a tamas d'as grans protestas en a carrera.[4] Entre as suyas reivindicacions bi heba a liberación de Chávez. Manimenos, pocos meses dimpués o parlamento destituye a o president Carlos Andrés Pérez por malversación de fundos.
O gubierno de Rafael CalderaEditar
En 1994, o nuevo president Rafael Caldera cumple a suya promesa electoral y alcuerda o sobreseimiento d'o proceso uberto contra Chávez. Ya en libertat Chávez funda a organización politica Movimiento Cinquena Republica (MVR por as suyas sieglas en castellán) y prencipia a recorrer o país explicando a suya proposa de convocatoria d'una Asambleya Nacional Constituyent ta rechenerar o país y espardir un ideyario nacionalista alazetato en o pensamiento d'o líder d'a independencia Simón Bolívar asinas como quantas propuestas progresistas.
Vinclos externosEditar
Se veigan as imáchens de Commons sobre Hugo Chávez.
| Predecesor: Rafael Caldera |
President de Venezuela 1999-2013 |
Succesor: Nicolás Maduro (interín) |
| Predecesor: - |
President d'o PSUV 2007-2013 |
Succesor: ???? |
| Predecesor: - |
President d'o MVR 1997-2007 |
Succesor: - |
ReferenciasEditar
- ↑ (es) Muere el presidente de Venezuela, Hugo Chávez, en o diario Heraldo de Aragón.
- ↑ (an) Chávez asegura estar de raso recuperau d’o cancer y para as eleccions, en o diario Arredol.
- ↑ (an) Hugo Chávez gana por 10 puntos d’esferencia, en o diario Arredol.
- ↑ (en) Report from Venezuela: beating back neoliberalism. Commonweal. 23/10/1998