Glòria Francino Pinasa

Glòria Francino Pinasa
Información personal
Naixida de:	Sopeira (Aragón)
Ocupación:	Filologa

Glòria Francino Pinasa (Sopeira, Ribagorza) ye una filologa y academica de numero de l'Academia Aragonesa d'a Luenga de l'Institut Aragonès del Català dende o 12 de febrero de 2025, cuan fue nombrada dimpués d'a renuncia de Merxe Llop Alfonso.

Biografía

Ye licenciada en Filolochía Hispanica (1980) y en Filolochía Catalana (1985) y ha treballau como profesora de luenga castellana y literatura en l'amostranza secundaria, estando catedratica dende l'anyo 2008.

Como esfensora d'o catalán en Aragón y mas que mas d'a suya variant ribagorzana ye miembro d'o Centre d'Estudis Ribagorçans (CERib) y ha colaborau con publicacions como Temps de Franja, Ripacurtia y Sopeira y a Revista d'Amics de l'Alaó. Tamién ha feito parti de prochectos d'investigación sobre a luenga y a onomastica ribagorzana, con colaboracions en mas de cuaranta monografías, incluyindo-ne publicacions en catalán sobre os municipios de Bonansa, Sopeira, Vidallé, el Pont de Suert u la Vall de Boí.

Tamién ha publicau narracions de ficción en antolochías como Punt per agulla, a Mostra de la narrativa breu contemporània de l'Aragó catalanòfon u Te de roca. En o campo didactico ha escrito obras educativas como Benvolgut setembre (2019), que ha estau traducida a cuantas luengas.