Alambre
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
- Iste articlo tracta sobre os alambres, filos de metal. Ta o metal y elemento d'a tabla periodica con simbolo Cu se veiga Arambre.
L'alambre (d'o latín <AERAMEN, «arambre»), filfierro u felfierro ye un filo de bell metal que s'obtiene tibando-lo quan ye calient en base a la propiedat de ductilidat que tienen iste tipo de materials.
Os principals metals d'a on se quita alambres son o fierro, l'arambre, o bronze, l'estanyo, a plata y o latón. Muitos atros metals, como l'oro y o plomo, tamién son aptos ta fer-ne alambres pero por as suyas propiedatz u o suyo preu no se'n en gosa fer.
Mientres que a parola «alambre» ye mas bien regular en tot Aragón, as formas «felfierro» y «filfierro» (contracción de «filo de fierro» u «fil de fierro») son muito mas locals y se sienten esporadicament en as comarcas de Ribagorza, o Sobrarbe, y puet estar que tamién o Semontano de Balbastro, a on que coexisten con a muito mas freqüent «alambre». As personas de mas edat as identifican a sobén como una parola antiga y desusada.
