Lockheed Martin F-22 Raptor

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lockheed Martin F-22 Raptor
Lockheed Martin F-22 Raptor
Datos chenerals
Tipo	avión de caza
Fabricant	Lockheed Martin
Primer vuelo	1997
Grandaria
Largaria	18.92 m
Envergadura	13.56 m
Superficie alas	78.04 m²
Peso	38 t
Especificacions
Autonomía	1093 km
Motor	2x Pratt & Whitney F119-PW-100
Velocidat maxima	2,414 km/h
Uso
Estato	En servicio
Operador	USAF
Producción
Unidaz construyitas	195
Esquema

Lockheed Martin F-22 Raptor ye un avión de caza de cinquena cheneración desembolicau por Lockheed Martin. O suyo primer vuelo estió en 1997. Tien un motor Pratt & Whitney F119-PW-100 y una velocidat maxima de Mach 2.25 . Se'n han construyiu 195 unidaz.

Ye utilizau exclusivament por a Fuerza Aeria d'Estaus Unius como que sucesor d'o F- 15A-D Eagle. As caracteristicas especials son as suyas propiedaz de sichilo, l'avionica de zaguera cheneración y a suya capacidat pa volar a velocidat supersonica sin un postcremador. Con un coste de sistema promeyo d'arredol de 189 millons de dolars estausunidenses, o F-22 estió considerau o caza mas caro d'o mundo en 2008. Os prototipos YF-22 recibioron inicialment l'embotada (no oficial) de Lightning II por Lockheed, en memoria d'o Lockheed P-38 Lightning d'a Segunda Guerra Mundial. A curto plazo, o F-22 tamién se conoixió como que Super Star, ya que muitos avions de combate Lockheed estioron embotaus Star, antis que a Fuerza Aeria finalment trigase o nombre Rapier. Ista embotada se mantenió dica que l'avión estió listo pa la producción en serie. Estió solament cuan se metió en servicio activo que o F-22 finalment recibió a suya embotada de Raptor. Seguntes o suyo fabricant Lockheed Martin, o F-22 yera o millor avión de combate d'o mundo en ixe inte en 2009 con a suya combinación de propiedaz de sichilo, velocidat, maniobrabilidat, precisión, conoixencia d'a situación y as suyas habilidaz en combate aire-aire y aire-tierra. Seguntes a Fuerza Aeria d'os Estaus Unius, en 2009 o F-22 yera superior a cualsiquier avión de combate conoixiu u planiau.