Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Valbona ye un municipio de la provincia de Teruel, situau en la comarca de Gúdar-Chabalambre. La suya población ye de 181 habitants (2017), en una superficie de 40,81 km² y una densidat de población de 4,44 hab/km².

Valbona
Municipio d'Aragón
Escudo d'armas
Entidat
 • País
 • Provincia
 • Comarca
Municipio
 Aragón
 Teruel
Gúdar-Chabalambre
Partiu chudicial Teruel
Superficie 40,81 km²
Población
 • Total

192 hab. (2013)
Altaria
 • Meyana

949 m.
Distancia
 • 35 km

enta Teruel
Alcalde Víctor Sanz Herrero
Codigo postal 44430
Parroquial
 • Diocesi
 • Arcipestrau

Teruel y Albarracín
Mora de Rubielos
Coordenadas
Valbona ubicada en Aragón
Valbona
Valbona
Valbona en Aragón

Toponimia editar

Lo toponimo Valbona ye interpretable a partir de lo latín VALLIS BONA ("val buena"),[1] y no presenta la diftongación de la Ŏ curta latina que cabría esperar en una zona antigament aragonesoparlant. D'acuerdo con Agustín Ventura Conejero se remontaría a un periodo antigo cuan encara no heba diftongau esta Ŏ,[2] lo que suposaría un orichen mozarabe. Son toponimos cognatos de la Valbona terolana en atras parz de la Peninsula Iberica: Valbona de Duero, Valbona de Pisuerga, Balboa, Valboa, Vallbona d'Anoia y Vallbona de les Monges. Semanticament podría representar un caso de toponimo propagandistico con un nombre sucherent pa atrayer repobladors en la mesma linia que La Puebla de Valverde en la Comunidat de Teruel, y belatros en la Comunidat de Daroca (Cuenca Buena, Fuent Buena, Valverde y Villa Dolz)[3] y lo foneticament mozarabe Villafelich cerca de Calatayú.

Cheografía editar

Valbona ye situada en la depresión de Sarrión[4] a l'este de la sierra de Camarena, a lo sudeste de la sierra de los Cabezos, a lo sud de la sierra d'el Chaparral y a lo sudueste de la sierra de Nogueruelas, sierras dende a on que baixan cursos d'augua de la cuenca hidrografica de Millars como lo río de Cedriellas y lo río d'Alcalá, dito tamién río de Valbona en lo suyo zaguer tramo.

Auguas enta baixo de Valbona complegan los ríos de Cedriellas y d'Alcalá. Lo río d'Alcalá se consideraba por la suya longaria u por lo suyo cabal lo primer tramo de lo río Millars dica mitat de lo sieglo XX. La construcción de lo entibo de Valbona en 1955 fizo que se reconsiderás cual yera lo primer tramo de Millars, considerando-se que yera lo río de Cedriellas.[5]

En lo termin municipal de Valbona se troban los nuclios de población habitaus u deshabitaus d'Alcafas, Chillapajares, Alpenyes, Pinar d'el Cerro, Molinete y Rinconadas y Sabinar y Río Pilas.[6]

Mugas editar

Lo suyo termin municipal muga con Mora de Rubielos, Sarrión, La Puebla de Valverde, Formich Susano y con Cabra de Mora.

Formich Susano Cabra de Mora Mora de Rubielos
La Puebla de Valverde   Mora de Rubielos
La Puebla de Valverde Sarrión Mora de Rubielos

Historia editar

Entre 1446 y 1495 feguraba en la sobrecollida de Teruel. En 1610 feba part de la part serrana de lo Condau de Fuents. En 1646 yera una localidat de la vereda de Teruel. Entre 1711 y 1833 yera en lo correchimiento de Teruel. En 1785 teneba la categoría de villa. Yera en lo partiu chudicial de Mora de Rubielos pero en 1965 pasó depender de lo partiu chudicial de Teruel.[6]

Demografía editar


Evolución demografica
1992 1994 1996 1997 1998 1999 2000 2001 2002
- - - - 184 183 187 191 199

2003 2004 2005 2006 2007 2008 2009 2010 2011
202 212 216 229 215 205 228 224 202

2012 2013 2014 2015 2016 2017 2018 2019 2020
211 197 198 193 186 181 174 167 172

2021 2022 2023 2024 2025 2026 2027 2028 -
184 188 - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración editar

Reparto de concellers editar

Eleccions municipals
Partiu 1979 1983 1987 1991 1995 1999 2003 2007 2011
Partido Popular 4
Partido de los Socialistas de Aragón 1
Total 5

Alcaldes editar

Lista d'alcaldes
Lechislatura Nombre Partiu politico
19791983 Martín Bolos Camallonga UCD
19831987
19871991
19911995
19951999
19992003
20032007 Víctor Sanz Herrero
20072011 Víctor Sanz Herrero
20112015 Víctor Sanz Herrero PP
20152019
20192023

Puestos d'intrés editar

  • Ilesia de Sant Antón.
  • Entibo de Valbona (u Ibáñez Martín).
  • Ermita de Sant Cristoval.
  • Ermita de Loreto.

Fiestas editar

Personalidaz naixidas de Valbona editar

Referencias editar

  1. (es) Jairo Javier García Sánchez: Atlas toponímico de España. Editorial: Arco/Libros, S.L., 2007, p. 291, p. 343.
  2. (es) Agustín Ventura Conejero: Toponimia de la provincia de Teruel. Revista Teruel, nº 48, 1972, p. 227.
  3. (es) Pascual Diarte Lorente: Presencia, poder e influencia de la iglesia en el valle medio-alto del Jiloca y tierras aledañas. Xiloca: revista del Centro de Estudios del Jiloca, nº 20.
  4. (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984. pp 80-81.
  5. (es) Jorge Hermosilla Pla (dir.): El regadío tradicional y el patrimonio hidráulico del Alto Mijares turolense. ESTEPA (Estudis del Territori i del Patrimoni), 2011, pp. 43-148.
  6. 6,0 6,1 (es) Antonio Ubieto Arteta: Historia de Aragón. Los Pueblos y los despoblados, III. Anubar ediciones, 1986. pp 1317.

Bibliografía editar