Bada cheneral europea de 2012
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A bada cheneral europea[1][2] u bada cheneral iberica[3][4] de 2012 (mas conoixita por as siglas de 14-N) ye una vada cheneral convocata ta o miércols 14 de noviembre de 2012 en primeras por cuantas organizacions sendicals espanyolas, a la que adhibioron atros sendicatos y colectivos europeus.
Por primera vegada en a historia d'a Unión Europea se convocó simultaneament una chornada d'atures en diferents estatos con una reivindicación común. Chipre, Malta, Portugal, Italia y Espanya vivioron una chornada de bada cheneral que fue refirmata con movilizacions en Francia, Grecia y badas sectorials en a Belchica francofona.[5]
En Aragón convocoron a bada os prencipals sendicatos d'o país como SOA-STA[6], CATA, IA, CNT y CGT (amás d'as centrals estatals de CCOO y UGT) y la refirmoron organizacions como Puyalón[7], Purna [8], A clau roya [9] y A Enrestida [10]
A bada en Aragón editar
A bada cheneral se desembolicó en Aragón con un seguimiento total d'un 75% seguntes os sendicatos y "prou baixo" seguntes os gubiernos espanyol y aragonés[11].
As manifestacions se pudioron sentir por as carreras d'as prencipals localidaz d'o país. En Zaragoza a manifestación convocata por os sendicatos CGT, CNT, SOA, CATA y Intersindical d'Aragón y organizacions como a "Plataforma Stop Desahucios" salió a las 18:00 dende a Plaza Reina Sofía. Una hora dimpués, a las 19:00 salió dende a Plaza Paraíso de Zaragoza un atra manifestación convocata por UGT y CC.OO. Seguntes os líders sendicals estioron 200.000 personas as que facioron parti d'a manifestación de Zaragoza, estando asinas a mas gran desde as manifestación contra o Plan Hidrolochico Nacional.[12]
En Uesca bi habió una manifestación con mas 6.000 personas baixo o lema "Nos deixan sin futuro. Bi ha culpables. Bi ha solucions" y en Teruel, se facioron dos manifestacions, a de UGT y CC.OO, y una atra convocata por o "Bloque Critico". Atras ciudaz con manifestacions importants estioron Monzón, Casp, Alcanyiz u Exeya.
O seguimiento d'a bada en as prencipals interpresas con seu en Aragón estió important, prencipiando ya de nueiz en os prencipals poligonos industrials.[13]. L'ature en Opel estió total con a fabrica zarrata de raso fueras d'os servicios minimos[14]. En atras interpresas como Johnson Controls (80% de seguimiento) u HP (90%) o seguimiento tamién estió gran.
A chornada de bada se notó tamién en a Universidat de Zaragoza, a on os campus de Sant Francisco y o Río Ebro amaneixioron vuedos de tot y con piquez informativos de diferents organizacions politicas, sendicals y estudiantils. Se rechistroron bel par d'incidents en a Facultat de Dreito y a Biblioteca María Moliner sin mayors consecuencias,[15] manimenos a mayoría d'estudiants decidioron no ir a clase. Bels millars de personas perteneixients a o colectivo estudiantil facioron una manifestación de maitins por as carreras d'a capital aragonesa en favor d'a educación publica. Tamién bi habió concentracions en a frontera d'o Paraninfo d'a Universidat de Zaragoza.[16]
Referencias editar
- ↑ (es) Las políticas capitalistas desencadenan una Huelga General Europea para el 14N Larepublica.es, 12 de noviembre de 2012
- ↑ (es) 14 de noviembre, primera huelga general europea. Alasbarricadas.org, 31 d'octubre de 2012
- ↑ (es) Portugal va a la huelga ibérica. El País, 14 de noviembre de 2012
- ↑ (es) Primera huelga general ibérica. La Nueva España, 14 de noviembre de 2012.
- ↑ (es) Huelga general contra la austeridad de la troika. Periódico Diagonal, 12 de noviembre de 2012
- ↑ (es) El comité nazional de SOA dijo sí a la Bada Cheneral. Estas son nuestras razones para acudir el 14N
- ↑ (es) Puyalón de Cuchas apoya la convocatoria de huelga del 14 de noviembre
- ↑ (an) Enta la bada cheneral contra o capital y os suyos cans dengún trango entazaga
- ↑ (es) 14N-Vada-Vaga-Huelga
- ↑ (an) 14-N Vada cheneral
- ↑ (an) Remata o diya de vada cheneral con manifestacions masivas. Arredol. 14 de noviembre de 2012
- ↑ (es) Una multitudinaria manifestación recorre ya el centro de Zaragoza. Heraldo de Aragón, 14 de noviembre de 2012
- ↑ (an) Prencipia a chornada de vada cheneral. Arredol. 14 de noviembre de 2012
- ↑ (es) Huelga.- Todos los trabajadores de la planta de Opel en Figueruelas (Zaragoza) secundan el paro, según UGT y CC.OO. Expansión, 14 de noviembre de 2012
- ↑ (an) A bada deixa vuedo o Campus de Sant Francho. Arredol. 14 de noviembre de 2012
- ↑ (an) Gran afluyencia en a manifestación estudiantil. Arredol. 14 de noviembre de 2012
Vinclos externos editar
Se veigan as imáchens de Commons sobre a bada cheneral europea de 2012.
