Unión Aragonesa estió un grupo organizau que arrocló a numerosos nobles y infanzons aragoneses pa imponer as suyas reivindicacions de clase, naixiu d'as Corz d'Aragón de 1287, en do s'aprebó o Privilechio d'a Unión.[1] As demandas d'a nobleza no fuoron acceptadas ni por a monarquía ni por muitos aragoneses, y en 1301 o Chusticia d'Aragón dictaminó contra éls.

En 1347 reviscoló o movimiento d'a Unión Aragonesa contra o rei Pero IV d'Aragón, y s'estendilló enta Valencia. L'exercito unionista fue acotolau en a Batalla d'Epila en 1348, y o rei aproveitó pa suprimir-la y reprimir os miembros d'ella.

Referencias editar

  1. (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.449

Bibliografía editar

  • (es) GONZÁLEZ ANTÓN, Luis: Las Uniones aragonesas y las Cortes del Reino; Zaragoza, 1975.