Tresa d'Entenza
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Tresa d'Entenza | |
|---|---|
| Reina consort d'Aragón | |
| 5 de noviembre de 1327-20 d'octubre de 1327 | |
| Predecesor | Elisenda de Montcada |
| Succesor | Alionor de Castiella |
| 10 de noviembre de 1314-5 de noviembre de 1327 | |
| Predecesor | Ermengol X d'Urchel |
| Succesor | Alifonso IV d'Aragón |
| Naixencia | c. 1300 ? |
| Muerte | 20 d'octubre de 1327 Zaragoza (Corona d'Aragón) |
| Conchuche/s | Alifonso IV d'Aragón |
| Dinastía | Casa de Cabrera |
| Pai | Gombau d'Entenza |
| Mai | Constanza d'Antillón |
 | |
.svg){kind=small}
Tresa d'Entenza (? - Zaragoza, 20 d'octubre de 1327), contesa d'Urchel, vizcontesa d'Àger, y sinyora d'Alcoleya d'a Cinca.
Familia editar
Su pai estió Gombau d'Entenza, muerto en 1309 sinyor d'Alcoleya d'a Cinca, Chestalgar, y Xiva de Morella, qui en o suyo testamento, atorgau o 12 de setiembre de 1304, la nombra a suya heredera universal. Su mai, Constanza d'Antillón y Cabrera, fue filla de Sancho d'Antillón y Alionor de Cabrera-Urchel, ista zaguera filla d'Alvaro I d'Urchel y d'a suya primera muller, Constanza de Montcada (pai d'Ermengol X d'Urchel con a suya segunda muller, Cecilia de Foix).
Vida editar
En no tener descendencia, su tío bisabuelo Ermengol X d'Urchel alcordó con Chaime II d'Aragón nombrar-la heredera d'o condau d'Urchel. As clausulas d'o testamento d'Ermengol X d'Urchel obligaban a que ella recibiera o condau en casar-se con un fillo d'o rei d'Aragón que no fuese a reinar, privando, asinas, que o condau estase asumido - y subsumido - por a Corona. Ermengol morió en 1314 y en ixe mesmo anyo, o 10 de noviembre, Tresa se casó con o infant Alifonso, fillo de Chaime II d'Aragón y Blanca de Nápols. Retirau o primochenito d'o rei, Chaime d'Aragón, a la vida contemplativa, o mariu de Tresa se convirtió en o hereu a la corona en 1319 como Alifonso IV d'Aragón. Ixe mesmo anyo naixió un fillo varón d'o matrimonio, o futuro Pero IV d'Aragón. En 1323, Tresa acompanyó a o infant Alifonso en a campanya ta conquistar a isla de Cerdenya.
O condau d'Urchel pasó a o suyo fillo Chaime I, qui tamién fue vizconte d'Àger, barón d'Entenza, d'Antillón y d'Alcoleya d'a Cinca.
Muller y mai de reis, o destín l'impidió reinar, ya que morió en Zaragoza en o parto d'o suyo fillo Don Sancho cinco días antis que su marido succediera a su pai a o mando d'a Corona d'Aragón. Fue apedecada en a zaragozana ilesia de Sant Francisco a un costau d'o presbiterio en un mausoleu de marbre sostenido por seis lions con a suya efichie en trache de relichiosa y con feguras plorants arredol d'o sarcofago. Chunto a ella i yeran os suyos dos fillos menors, Isabel y Sancho, con as suyas efichies pintadas sobre tabla, la d'Isabel vestida de moncha clarisa, y Sancho con guirnalda y cabello descenyiu. Abaixo se leyeban os versos siguients:
Referencias editar
- ↑ No estió reina consort d'Aragón, ya que morió cinco días antis de que o suyo mariu Alifonso IV d'Aragón estase coronau como rei.
Bibliografía editar
- (es) Relaciones del condado de Urgel con Castilla y León. Ernesto Fernández-Xesta y Vázquez. 2001, E&P Libros Antiguos, S.L. ISBN 84-87860-37-0.
| Predecesora: Elisenda de Montcada |
Consort d'o rei d'Aragón 5 de noviembre de 1327-20 d'octubre de 1327 |
Succesora: Alionor de Castiella |