Tractau de París (1763)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye sobre o Tractau de París de 1763; ta atros usos, se veiga Tractau de París.

O Tractau de París u Paz de París estió un tractau internacional sinyau o 10 de febrero de 1763 en a ciudat de París (Reino de Francia) entre os representants d'o Reino Uniu, o Reino de Francia y Espanya (representando o Reino Uniu a o suyo aliau o Reino de Portugal), por o que remataba a situación de guerra entre ixos países, a dita Guerra d'as Siet Anyadas. O tractau no afectaba ni a o Reino de Prusia ni a la Austria d'a Monarquía habsburguica, que sinyoron o Tractau de Hubertusburg ta rematar a guerra.

Toz os partecipants en a Guerra d'as Siet Anyadas, con os suyos territorios a meyaus d'os anyos 1750, antis d'a guerra:
*Azul: Reino Uniu, Reino de Prusia y Reino de Portugal d'una man.
*Verde: Reino de Francia, Espanya, Austria, Imperio Ruso y Suecia d'atra man.

A caracteristica prencipal d'o tractau estió que ubrió camín a un tiempo de dominio d'o Reino Uniu en os asuntos europeus y li permitió amás consolidar u enamplar o suyo dominio de cuantos territorios arredol d'o mundo (encluyendo-ie a isla de Menorca).