Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un trache espacial ye una prenda que s'usa pa mantener vivo a un humán en o duro entorno d'o espacio exterior, o vuedo y as temperaturas extremas. Os traches espacials a ormino s'usan dentro d'as naus espacials como precacción de seguranza en caso de perda de presión en a gabina, y son necesarios pa l'actividat extravehicular (EVA), treballo realizau difuera d'as naus espacials. S'han usau traches espacials pa ixe treballo en a orbita terrestre, en a superficie d'a Luna y en o camín de torno a la Tierra dende a Luna. Os traches espacials modernos aumentan a prenda de presión basica con un complexo sistema d'equipos y sistemas ambientals disenyaus pa mantener a l'usuario comodo y minimizar o esfuerzo requeriu pa doblar as extremidaz, resistindo a tendencia natural d'una prenda de presión suau a endurir-se contra o vuedo. Con frecuencia s'emplega un sistema autonomo de suministro d'oxicheno y control ambiental pa permitir una total libertat de movimiento, independientment d'a nau espacial.

Trache espacial de Buzz Aldrin en a Luna.

Menas editar

I hai tres menas de traches espacials pa diferents propositos: IVA (actividat intravehicular), EVA (actividat extravehicular) y IEVA (actividat intra / extravehicular).

  • Os traches IVA son disenyaus pa usar-se dentro d'una nau espacial presurizada y, por tanto, son mas liuchers y comodos.
  • Os traches IEVA son disenyaus pa usar-se adintro y difuera d'a nau espacial, como que o trache Gemini G4C d'o Programa Gemini. Incluyen mas protección contra as duras condicions d'o espacio, como que a protección contra micrometeoritos y cambeos extremos de temperatura.
  • Os traches d'EVA, como que l'EMU, s'utilizan difuera d'as naus espacials, ya sía pa exploración planetaria u gambadas espacials. Han de protecher a l'usuario contra todas as condicions d'o espacio, amás de proporcionar mobilidat y funcionalidat.[1]

Historia editar

Os primers traches espacials se creyoron en o decenio de 1930. Entre os disenyadors pioners yeran Evgeniy Chertovsky qui creyó o suyo trache de presión total (en ruso скафандр) de gran altitut en 1931 y Emilio Herrera qui disenyó y construyó un "trache espacial estratautico" de presión total en 1935, que heba d'haber estau utilizau entre un vuelo estratosferico de globo programau pa prencipios de 1936.[2]

Referencias editar

  1. (en) Thomas, Kenneth S.; McMann, Harold J. (November 23, 2011). U.S. Spacesuits. Springer Science & Business Media.
  2. (en) "Escafandra Estratonautica" en a Encyclopedia Astronautica