Terceras taifas
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
As terceras taifas estioron estatos d'a Peninsula Iberica controlatos por una clase dirichent musulmana que amaneixioron enta 1214 dimpués d'a derrota almuade en as Landas de Tolosa y que desapareixioron como consecuencia de l'anexión por part d'a Corona de Castiella, a Corona d'Aragón u d'o Reino Nazarín de Granada.
En l'anyo 1224 Abd Allah se proclamó emir independient en Baeza. En a Valencia o gobernador Abu Zaid encomenzó a gobernar d'una traza cada vegata mes autonoma, y en 1229 Zaiyan ibn Sa'd se proclamó rei. En Murcia un mainate local Ibn Hud se declaró descendient d'os hudís y se proclamó rei en 1228 independizando-se a Taifa de Murcia, que s'estendilló dica Niebla y Cordoba y Sevilla. Ibn Mahfud se sublevó contra Ibn Hud y creyó a Taifa de Niebla. Al Basi se sublevó contra Ibn Hud en Sevilla, y dende 1236 reinó Ibn Raxid en a Taifa de Sevilla.
En l'anyo 1231 Muhammad conquirió Chaén pero habió d'abandonar-la refuchiar-se en Granada, on fundó o Reino Nazarín de Granada.
Lista de terceras taifas editar
As terceras taifas estioron:
- taifa d'Arjona convertindo-se en o Reino Nazarín de Granada
- taifa de Baeza, dende 1224 dica 1226, conquiesto por Castiella
- taifa d'Alchezira, Denya y Exativa, dende 1224 dica 1227, reconquiesto por os Almuades
- taifa de Ceuta, dende 1233 dica 1236, conquiesto por Benimarins.
- taifa de Lorca, dende 1240 dica 1265, conquiesto por Castiella
- taifa de Menorca, dende 1228 dica 1287, conquiesto por Aragón.
- taifa de Murcia, dende 1228 dica 1266, adhibito a la Corona de Castiella con colaboración aragonesa.
- taifa de Niebla, dende 1234 dica 1262, conquiesto por Castiella.
- taifa d'Oriuela, dende 1239 dica 1250, repartita entre a taifa de Murcia y Castiella.
- taifa de Valencia, dende 1228 dica 1238, conquiesta por Aragón.