Stranger Things

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Stranger Things ye una serie de televisión de ciencia ficción d'Estaus Unius creyada por Netflix, escrita y dirichida por os chirmans Matt y Ross Duff, con Shawn Levy como productor executivo. S'engueró en Netflix o 15 de chulio de 2016, con muit buena critica por parte d'a prensa especializada, que emponderan a interpretación, caracterización, ritmo, atmosfera y o claro homenache a l'Hollywood d'as anyadas 1980, con claras referencias a treballos de Steven Spielberg, John Carpenter, Stephen King, Rob Reiner y George Lucas.

Stranger Things.

A historia se sitúa en o lugar ficticio de Hawkins, en Indiana, Estaus Unius, entre os anyos 80's, cuan un mocet de doce anyos clamau Will Byers desapareixe misteriosament. Poco dimpués, Eleven, una nina aparentment fuchitiva y con poders telequineticos, se troba con Mike, Dustin y Lucas, amigos de Will, y los aduya en a busca d'o mesmo.

Personaches

Principals

• Joyce Byers (Winona Ryder): a mai de Will y Jonathan Byers. Ye divorciada de Lonnie Byers. En a segunda temporada, ella ye salindo con o suyo antigo companyero de secundaria, Bob, dica a suya muerte mas abance en a temporada. Se suchiere que ella y Jim Hopper tiengan sentimientos l'un por l'atro.
• Jim Hopper (David Harbour): chefe d'o Departamento de Policía de Hawkins. Dimpués que a suya chicota filla murió de cancer, Hopper s'esvurzió y cayió en l'alcoolismo. Finalment, se torna mas responsable, salvando a o fillo de Joyce y prenendo a Eleven como que a suya filla adoptiva. Se revela que él y Joyce tienen sentimientos l'un por l'atro.
• Mike Wheeler (Finn Wolfhard): fillo mediano de Karen y Ted Wheeler, chirmano de Nancy y Holly, y un d'os tres amigos de Will Byers. Ye un estudiant intelichent y compromeso con os suyos amigos. Desembolica sentimientos romanticos por Eleven.
• Eleven "El" (Millie Bobby Brown): una nina con habilidaz telepaticas y psicoquineticas y un vocabulario limitau. O suyo verdadero nombre ye Jane y ye a filla biolochica de Terry Ives. Dimpués d'escapar d'o Laboratorio Hawkins, an se le yeran realizando experiments, se fa amiga de Mike, Dustin y Lucas. Desembolica sentimientos romanticos por Mike. A la fin d'a segunda temporada, Jim Hopper adopta a Eleven. En a tercera temporada, ella y Hopper s'amanan mas y él prencipia a considerar-la mas como que a suya propia filla.
• Dustin Henderson (Gaten Matarazzo): un d'os amigos de Will Byer. En a segunda temporada, ye orgulloso d'os suyos nuevos dients frontals y se siente atraito por Max. En a temporada 3, aconsigue una novia, Suzie (Gabriella Pizzolo), a qui conoixió en Camp Know Where y comparten a suya sola escena chuntos en o zaguer episodio d'a temporada 3.
• Lucas Sinclair (Caleb McLaughlin): un d'os amigos de Will Byer. Esconfía d'Eleven, pero dimpués se fa amigo d'ella. En a segunda temporada, él ye un d'os intréses amorosos de Max y eventualment se converte en o suyo novio en a tercera temporada.
• Nancy Wheeler (Natalia Dyer): filla de Karen y Ted y chermana mayor de Mike y Holly. Estudiosa y respectuosa d'as reglas, Nancy troba unatra cara d'él mesma mientres investiga o Laboratorio Hawkins y a muerte d'a suya amiga Barbara. En as temporadas 1-2, ella ye a novia de Steve Harrington, pero trenca con él y en o suyo puesto sale con Jonathan Byers.
• Jonathan Byers (Charlie Heaton): o chirmano mayor de Will Byers y o fillo de Joyce Byers. Ye un mocet tranquilo, un extranyo en a escuela y un aspirant a fotografo. Ye cercano a la suya mai y o suyo chirmano, y se converte en o novio de Nancy Wheeler.
• Will Byers (Noah Schnapp): o fillo de Joyce Byers y chirmano menor de Jonathan Byers. Ye capturau por un *monstruo d'o "Upside Down", una dimensión alternativa descubierta por os cientificos d'o Laboratorio Hawkins.
• Max Mayfield "Max" (Sadie Sink): A chermanastra mas choven de Billy que clama o ficacio de Lucas y Dustin, y finalment triga a Lucas.
• Steve Harrington (Joe Keery): un popular estudiant de secundaria y novio de Nancy Wheeler. Mas tarde, él y Nancy se deseparan en a segunda temporada.
• Robin Buckley (Maya Hawke): una moceta "alternativa" que treballa chunto a Steve en a cheladería d'o centro comercial.

Secundarios

• Martin Brenner (Matthew Modine)
• Billy Hargrove (Dacre Montgomery)
• Bob Newby (Sean Astin)
• Sam Owens (Paul Reiser)
• Erica Sinclair (Priah Ferguson)
• Murray Bauman (Brett Gelman)

Mostros y creaturas

L'Upside Down ye una dimensión alternativa an viven cuantos mostros y creaturas que aguaitan a os habitants d'Hawkins.

• O Demogorgon.
• O Mind Flayer (l'espelletador mental)
• Os demo-dogs (cans dimonios).
• Vines (enredaderas).

Temporadas

Temporada	Calendata d'emisión orichinal	Episodios	critica (en Rotten Tomatoes)
1	15 de chulio de 2016	8	95% (82 criticas)
2	27 d'otubre de 2017	9	94% (126 criticas)
3	4 de chulio de 2019	8	90% (42 criticas)
4	en desembolique	8	-