Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A solifluxión ye un tipo de movimiento de ladera en suelos archilencos saturaus en augua en o que se suman a reptación y o fluxo. Son chicoz fluxos viscosos y lentos de suelos cayendo costera entabaixo en forma de lobulos individuals que pueden levar a vechetación enradigada. Se producen d'una traza intermitent en cada ciclo de chelo-deschelo, a sobén en primavera con o mayenco, cuan a nieu se reviene y os suelos son embadinaus. Son tipicos d'o sistema morfoclimatico periglacial, pero no exclusivos.

Chicots lobulos de solifluxión en Suiza.

En o Sistema Iberico a solifluxión se produce actualment, y ye fácilment observable en la costera nord-este d'o Puerto de Cuarto Pelado[1], amán de Cantaviella. En l'ueste d'a Sierra d'Albarracín os lobulos de solifluxión retienen l'augua, o suelo s'embadina y se forman paúls en a redolada de Bronchales y Oriuela, que por ixo prene o nombre del Tremedal. Tamién en a Muela de Sant Chuan se producen fenomenos de solifluxión en os materials terrichens de facies Weald y en as arenas d'Utriellas.

En o Pireneu se fan lobulos de solifluxión en muitos puestos, podendo-ne veyer en Tramacastiella de Tena amán d'o Entibo d'Escarra y en Fanlo en a costera norte d'a Sierra Custodia.[2]

Referencias editar

  1. Jose Luís Peña Monne et al. "Geomorfología de la Provincia de Teruel". Instituto de estudios turolenses, 1984. pp 138
  2. Fernando Biarge, José María García Ruiz, Ana Biarge Roca viva. El modelado del paisaje pirenaico. Diputación de Huesca, 2001. pp214

Bibliografía editar