Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sochi ( en ruso: Со́чи, y en cheorchiano: სოჭი) ye una ciudat rusa en o krai de Krasnodar amán d'a frontera con Cheorchia.[1] A suya población yera de 401.291 habitants en o 2016 en una superficie de 3.508 km².

Sochi
Сочи
Ciudat de Rusia
Escudo de  Sochi
Bandera Escudo
Entidat
 • País
 • Districto federal
Ciudat
Rusia
Districto sud
Idioma oficial Ruso
Superficie
 • Total

176.77 km²
Población
 • Total (2010)
 • Densidat

343 334 hab.
93,7 hab/km²
Codigo postal 354000-354999
Prefixo telefonico +7 8622
Pachina web oficial

Sochi ye una ciudat conoixita por ser un centro turistico important y por ser a seu d'os Chuegos Olimicos d'hibierno de 2014.

Economía editar

A prencipal actividat economica de Sochi ye o turismo, as suyas plachas y as suyas montanyas la fan un puesto ta vesitar en tot l'anyo, tamién cal destacar a industria alimentaria y atras como l'agricultura, silvicultura y apicultura.

Esporte editar

L'esporte en Sochi ye important en a vita d'a ciudat y parte d'o turismo que la visita ye ta fer esportes d'hibierno en as montanyas que bi ha amán. Tamién cal destacar a escuela de tenis a on prencipiaron esportistas d'a importancia de María Sharápova y Yevgueni Káfelnikov.

En l'anyo 2007 a ciudat estió esleyita seu d'os Chuegos Olimpicos d'hibierno de 2014, estioron os Chuegos mas caros d'a historia y aduyoron a transformar a ciudat y empentar o turismo d'hibierno.

En a ciudat dende 2014 dica 2021 tamién se celebró o Gran Premio de Rusia de Formula 1, que estió parti d'o Campeonato d'o Mundo de Formula 1 una d'as mas importants competicions de automovilismo. En 2022, producto d'as sancions a lo país dimpués d'a Invasión rusa d'Ucraína de 2022, o contracto d'o Gran Premio estió rematau, no disputando-se ni a edición de 2022 ni as posteriors.

O Estadio Olímpico Fisht de Sochi estió una d'as seus d'o Campeonato Mundial de Fútbol en a suya edición de 2018, se chugaron cuatre partius d'a primera fase, un d'octavos y un de cuarts.

Referencias editar

  1. (en) Britannica, The Editors of Encyclopaedia. "Sochi". Encyclopedia Britannica, 18 Jan. 2024, https://www.britannica.com/place/Sochi.

Vinclos externos editar