Sierra de Gúdar

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La sierra de Gúdar ye un conchunto d'elevacions de la branca levantina de lo Sistema Iberico a l'este de la depresión d'El Pobo-Cedriellas. y a lo sudueste de lo sulco formau por las vals de Sollavientos y Vacas, que desparten esta sierra y la de Sollavientos.

Sierra de Gúdar
Paisache nevau en Val de Linars.
Cheografía
Cordelera	{{{cordelera}}}
Sector	{{{sector}}}
{{{tpran}}}	{{{ran}}}
Maxima altaria	2.024 m
Cimas importants	Penya Roya
Largaria
Amplaria
Superficie
Vértiz cheodesico
Subsistemas	{{{subsistemas}}}
Administración
Estau
País	Aragón
Comarca	Mayestrato Gúdar-Chabalambre
Cheolochía
Edat	Cretacio.
Materials	calsineras, arenitas
Tipo	{{{tipo}}}
Mapa

Toponimia

L'oronimo sierra de Gúdar fa referencia a la localidat de Gúdar, situada a piet de bel releu d'esta sierra. En lo sieglo XVII se fa mención d'estas elevacions en lo libro "Itinerario del Reyno de Aragón (1610-1611)" de João Batista Labanha, escrito en portugués:

Monnegro do m. a or. 20. gr. 2. L. g He hum monte alto da Serra do Prado de Val de Vacas, povoado todo de Pinheiros negros

De Villaroya, a Val de Linares Saõ 2. L. gr. passase p.r el Prado de Val de vacas, terra da Serra de muy boms pastos para o gado no veraõ, e antes do Prado, Se topa Com outro que Se Chama el Solaviento,

Ignacio Jordán Claudio de Asso y del Río se refiere a esta sierra en lo suyo libro Historia de la Economía Política de Aragón (1798) como sierra de Gúdar:

El territorio de Teruel es en gran parte montuoso, especialmente àcia la vanda de levante , donde se eleva una serie de cerros de peña caliza , y arenisca, que se prolongan de norte à sud por los lugares de Ababux, y Gudar, en cuyas cercanias tiene su origen el rio Alfambra, el cual discurriendo en forma de semicirculo por un terreno aspero, y fragoso, llega à juntarse con Guadalaviar no lexos de Teruel. Al poniente de la sierra de Gudar corren àcia el mediodia dos rios de corto caudal llamados el Mora, y Valbona formando un valle bastante espacioso.

...desde la latitud de 4.1 grados 15 minutos se vá elevando el terreno sensiblemente àcia el Sud, siendo su mayor altura en el partido de Teruel la sierra de Gudar...

La mesma denominación la emplegó bel autor de sieglos posteriors en descripcions cheograficas de la provincia de Teruel.

Esta sierra da nombre a la unidat morfoestructural "serranías de Gúdar" distribuita por buena part de l'este de Teruel y que se prolonga por la provincia de Castellón con la sierra de Penyagolosa. La mes gran part de las sierras d'estas serranías son pareixidas y poco despartidas por lo ret fluvial, sobre tot en la part central, a on que la superficie d'erosión fundamental creya cantimplanos. Zaguerament muitas d'estas elevacions tienden a nombrar-se tamién como "sierra de Gúdar", por lo que a vegadas no quedan claras las marguins de la sierra enta lo sud y l'este en Gúdar-Chabalambre y Mayestrato, pero sí enta l'ueste por la presencia de la depresión d'El Pobo-Cedriellas en la Comunidat de Teruel, que la desparte de la sierra d'el Pobo.

A zaguers de lo sieglo XX y primers de lo sieglo XXI la denominación de sierra de Gúdar s'ha iu estendillando en ambients academicos y excursionistas dica denominar atras sierras de la mesma unidat morfoestructural situadas a l'ueste de lo sulco val de Sollavientos-val de Linars adintro de la mesma comarca, pero tamién en las actuals comarcas de las Cuencas Meneras y lo Mayestrato, que enantes se nombraban como sierras de las Bailías en las descripcions cheograficas.

En las descripcions cheograficas u naturalisticas bi ha encara referencias a la sierra de Gúdar sensu stricto pa fer referencia a las principals elevacions de la sierra de Mont Negro, y las elevacions menors de sierras como Las Molatiellas, asinas como las vals que bi ha entre meyo (La Motorrita). Tamién ye posible fer servir la expresión sierra de Gúdar sensu stricto en oposición a elevacions meridionals como la sierra de Nogueruelas.

Hidrolochía

En la sierra de Gúdar tienen lo suyo naixedero ríos como l'Alfambra, lo río Sollavientos, lo Millars, y lo suyo tributario Linars.

Cheolochía

La sierra de Gúdar corresponde a la mitat sudoccidental d'una estructura domatica de calsineras de lo Cretacio a lo sudeste de lo sulco Sollavientos-Vacas. En lo fondón d'estas vals aflora la formación arenas d'Utriellas. Las estructuras cheolochicas predominants son sinclinals laxos que s'orientan en sentiu NNW-SSE.

Vechetación

La vechetación predominant son los pinars de pin royo y pin nasarro.

Dende lo punto de vista biocheografico bi ha presencia d'especies tamién presents en los monts Pireneus pero que no son guaire comuns en lo Sistema Iberico, y menos en lo sector centro-oriental. En lo cabalto de la sierra bi ha una pinars de Pinus uncinata y praus con especies comuns con los Pireneus. Tamién bi ha presencia de taixeras, (y bi ha microtoponimos que i fan referencia). Igual como en atras sierras ya cerca de la mar Mediterrania como los Puertos de Beceit bi ha selvas mixtas submediterranias, destacando la presencia de l'acirón (Acer granatense), l'avillanera, la tellera, la moixera y l'urmo (Ulmus montana).

Fauna

Bi ha reptils que tamién se troban en los Pireneus como Podarcis muralis, que podió arribar-ie en las glaciacions cuaternarias. Igual como en los Puertos de Beceit, bi ha crabas salvachinas (Capra pyrenaica hispanica).

Bibliografía

• (es) J. Vilá Valentí, Lluís Solé Sabarís, Manuel Terán: Geografía general de Espanya. Ariel Geografía. 1194.
• (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
• (es) Eduardo Viñuales Cobos (coordinador): Red natural de Aragón. nº 3, Maestrazgo Prames, 2006.
• (es) Eduardo Viñuales Cobos (coordinador): Red natural de Aragón. nº 9, Gúdar-Javalambre Prames, 2006.
• (es) Ricardo Pitarch García: Estudio de la flora y vegetación de las sierras orientales del Sistema Ibérico: La Palomita, Las Dehesas, El Rayo y Mayabona (Teruel). Editor: Consejo de Protección de la Naturaleza de Aragón, 2002.
• (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
• (es) José Manuel González Cano et al.: Inventario abierto de los bosques singulares del sector SE de la provincia de Teruel. Diputación General de Aragón.

Sierras d'os sectors este y nord-este d'o Sistema Iberico

Alcora - Alcublas - Almanariella - Arca - Arcos - Batalla - Benifazán - Bertolines - Blanca - Bordón - Brusca - Caballos - Cabezo - Cabezos - Caldera - Calderona - Camarena - Cantera d'el Pinar - Cantera d'el Saso - Canyada - Carrascosa - Cavaller - Chabalambre - Chaparral - Chinebrosa - Celler - Corbalán - Corral Nou - Cortes - Costera - Creu - Cueva Santa - Defesas - Desert de les Balmes - Escoriuela - Espadán - Espadella - Esparreguera - Exulve - Férriz - Galceran - Galga - Garrocha - Gorda - Gúdar (Molatiellas · Mont Negro) - Lastra - Marondes - Matanza - Matanzas - Mayabona - Molinera - Montanyas de Cervera - Montordí - Ovellera - Monts de Pinar Ciego - Monegrell - Mora - Moros - Muelas de Chert - Nogueruelas - Palomita - Paúls - Pedreras - Pedrizas - Penyagolosa - Penyas Blancas - Perenchisa - Pina - Pinarhueco - Puertos de Moriella - Puertos de Tortosa-Bezeit (Albardes - Aragonesos - Caro - En Canader · Refalgarí - Sant Cristòfol) - Irta - Rayo - Rocha de las Defesas - Rodanas - Sant Chust - Sant Pere - Santa Barbara - Santa Barbara - Savinassos - Sinyor - Segures - Solana - Sollavientos (Monts de Tarrascón) - Talaya - Talayas d'Alcalá - Tajos - Toro - Tortallada - Turmell - Umbrías - Vall d'Àngel - Vallivana - Vellida - Villarroya - Zancado