Shāhnāma

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Shāhnāma
Información cheneral
Autor	Ferdowsi
Chenero literario	Epica
Subchenero	Poesía epica
Versión orichinal en farsi
Títol orichinal	Shāhnāma
País	Persia

Shāhnāma u Shāhnāmé (en farsi شاهنامه , literalment "O Libro d'os Reis" u "A Epica d'os Reis") ye una obra poetica escrita por o poeta persa Ferdowsi arredol de l'anyo 1000 y ye a epica considerata nacional por los que parlan l'idioma farsi. O Shāhnāma recenta la historia y mitolochía d'Irán dende a creyación d'o mundo dica la conquiesta d'Irán por o Islam en o sieglo VIII.

A mas d'a suya importancia literaria, o Shāhnāma, que fue escrito cuasi en a suya totalidat en farsi, ha estato clau ta empentar ista luenga dimpués d'a influencia exercita por l'arabe. Ista obra muit estensa, ye considerata como una obra mayestra d'a literatura, que tamién replega la historia d'Irán, os suyos valors culturals, as suyas relichions ancestrals (zoroastrismo), y un sentito prefundo d'a patria. Ferdowsi remata o Shāhnāma en un momento en que a independencia nacional heba estato amenazata. Si bien bi ha diversos heroes y heroinas memorables de caracteristicas clasicas en ista obra, o gran heroe ye Irán.

Ibn al-Athir l'ha dito l'"Alcorán Persa", encara que iste títol no s'usa por un regular entre os parlants de farsi, amuestra la importancia d'ista obra.

Iste libro tamién ye important ta os 200.000 zoroastrians que quedan en o mundo, ya que o Shāhnāma permite relacionar os inicios d'o zoroastrismo con a cayita d'o zaguer rei zoroastrián a mans d'os invasors arabes.