Sexma d'el Campo de Sarrión

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

La Sexma d'el Campo de Sarrión yera una sexma situada en lo sudeste de l'antiga Comunidat de Teruel, sobre tot en las sierras de los Cabezos, de Camarena y de Chabalambre, y territorios situaus a l'este en la cuenca hidrografica de Millars.

Sexma d'el Campo de Sarrión
Sexma de la Comunidat de Teruel
Entidat  • Estau  • País  • Comunidat	Sexma Corona d'Aragón Reino d'Aragón Comunidat de Teruel
Capital	Sarrión
Aldeyas	Albentosa Almansa Arcos de las Salinas Cabra de Mora Formich Chusano Formich Susano Fuents de Rubielos Nogueruelas La Gasconiella La Puebla de Valverde Lo Castellar Pradas Rubiuelos de Mora Sant Agostín Sarrión Torrillas Val de Zebro
Situación en la Comunidat de Teruel

Se suposa que las aldeyas de Castralbo, Aldeyuela, Cubla y Camarena perteneixeban inicialment a la Sexma d'el Campo de Sarrión dica que la creyación de la Sexma d'el Campo de Visiedo obligó a reorganizar lo numero d'aldeyas de cada sexma y pasoron a depender de la Sexma d'el Campo de Cella, que heba perdiu unas cuantas aldeyas a causa de la creyación d'ixa nueva sexma.

Enta 1307 la Sexma d'el Campo de Sarrión comprendería las aldeyas de:

• Albentosa.
• Almansa.
• Arcos de las Salinas.
• Cabra de Mora.
• Formich Chusano.
• Formich Susano.
• Fuents de Rubielos.
• Nogueruelas.
• La Gasconiella.
• La Puebla de Valverde.
• Lo Castellar.
• Pradas.
• Rubiuelos de Mora.
• Sant Agostín.
• Sarrión.
• Torrillas.
• Val de Zebro.

A mitat de lo sieglo XIV baixo lo reinau de Pero IV se produció unatra reorganización de las sexmas y las aldeyas Fuents, La Puebla de Valverde, Lo Castellar, Nogueruelas y Rubiuelos deixoron la sexma d'el Campo de Sarrión pa convertir-se en aldeyas d'unatra sexma con cabeza en Rubiuelos. Se desconoixe tanto la calendata exacta como lo motivo de la reorganización, pero habió d'haber esdeveniu dimpués de 1333 y antes de 1369.

Bibliografía

• (es) Antonio Ubieto Arteta: Historia de Aragón. Divisiones Administrativas, Anubar, 1983.
• (es) Antonio Gargallo Moya. Los orígenes de la Comunidad de Teruel. Instituto de Estudios Turolenses, 1984.