Segura de los Banyos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Este articlo ye sobre un municipio aragonés en a provincia de Teruel; ta atros usos, se veiga Segura.

Segura de los Banyos (Segura de los Baños en castellano) ye un municipio aragonés de la provincia de Teruel, situato en la comarca de las Cuencas Meneras. La suya población yera de 39 habitants (2014), en una superficie de 54,6 km².

Segura de los Banyos
Municipio d'Aragón
Escudo d'armas
Entidat
 • País
 • Provincia
 • Comarca
Municipio
 Aragón
 Teruel
Cuencas Meneras
Partiu chudicial Calamocha
Superficie 54,6 km²
Población
 • Total

42 hab. (2013)
Altaria
 • Meyana

1122 m.
Distancia
 • 84 km

enta Teruel
Alcalde Ernesto Ferreruela Calvo
Codigo postal 44793
Patrons Sant Chuan Baptista
Parroquial
 • Diocesi
 • Arcipestrau

Teruel y Albarracín
Mont Albán
Ríos Segura
Coordenadas
Segura de los Banyos ubicada en Aragón
Segura de los Banyos
Segura de los Banyos
Segura de los Banyos en Aragón
Web oficial

Cheografía editar

Ye situato a lo sud de la Muela d'Anadón, en lo interfluvio que bi ha entre los ríos Segura (afluent de lo río Martín) y lo río Aguas. Lo nuclio habitato ye mes a man de lo río Segura, pero los Banyos de Segura son a 5 km, a cantos de lo río Aguas, tampoco guaire luent de lo naixedero. Los banyos s'aproveitan dende 1716. Lo balneario funcionó dica 1986.

Mugas editar

Lo suyo termin municipal muga con La Foz de la Viella, Vivel, Villanueva del Rebollar, con Torreciella, Salcediello, Anadón y Maicas.

Toponimia editar

Ye Segura, sin apelativo en las primicias de 1279-1280 y en lo fogache de 1495. L'orichen de lo nombre ye por la seguranza que daba esta villa fortificada con un castiello ya desapareixiu. L'orichen de l'apelativo ye por las auguas termals.

En textos medievals de lo sieglo XV trobamos una mayoría de microtoponimos en aragonés:[1] Canyada Santa Lucía de Salcediellyo, Sendero Bajo, El Puerto, El Cereso, Las Nogueras, La Figuera, Las Lomas, El Prado de las Canyadas, El Rubial, el Mas de Pero Thomas, La Forca, Prado el Ferrero, Río Aguas, La Vega de Segura.

Actualment trobamos La Planilla, Las Coronas, Barranco de la Calera, Barranco de la Cerrada, Lobera, La Atalaya, Sierra Pedregosa, Barranco del Manzanera y Barranco de Lobera. En la muga de lo termin municipal con Armiellas y Vivel trobamos una partida que no perteneixe a dengún de los dos municipios dita El Franco, por a on ye lo Cerro del Royo u Cabezo del Poyo, que en lo mapa de João Batista Labanha ye Cerro del Pueyo.

Historia editar

En 1489 perteneixeba a la Sobrecollida de Mont Albán, pero en lo fogache de 1495 figura como una localidat de la Sobrecullida de Daroca.[2]

Cuan lo exercito liberal de lo cheneral Espartero abanzaba ta Cantaviella, la fortaleza de Segura resistió muito tiempo contra unas tropas muito mes numerosas que la rodeyaban de tot.

Demografía editar

Evolución demografica
1992 1994 1996 1997 1998 1999 2000 2001 2002
- - 56 - 52 52 50 47 48

2003 2004 2005 2006 2007 2008 2009 2010 2011
43 39 36 39 39 39 40 40 39

2012 2013 2014 2015 2016 2017 2018 2019 2020
40 40 39 40 44 43 39 38 41

2021 2022 2023 2024 2025 2026 2027 2028 -
38 42 - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración editar

Reparto de concellers editar

Eleccions municipals
Partiu 1979 1983 1987 1991 1995 1999 2003 2007 2011
C. Aragón 1
Total 3

Alcaldes editar

Lista d'alcaldes
Lechislatura Nombre Partiu politico
19791983 Pedro Gracia Domingo UCD
19831987
19871991 Juan Calpe Valiente PP
19911995 Juan Calpe Valiente PP
19951999 Eladio Marzo Oro PP
19992003 Eladio Marzo Oro PP
20032007 Pedro Millán Ferreruela PP
20072011 Pedro Millán Ferreruela PAR
20112015 Ernesto Ferreruela Calvo Compromiso con Aragón
20152019 Ernesto Ferreruela Calvo Compromiso con Aragón
20192023 José Antonio Martín Bellés PSOE
20232027 Jose Antonio Martin Belles [3] PSOE

Puestos d'intrés editar

Fiestas editar

Referencias editar

  1. (es) Guillemo Iturbe Polo, Isabel Lorenzo Magallón: El sieglo XV en Muniesa y su entorno (1367-1503 Centro de Estudios Miguel de Molinos
  2. (es) María Isabel Falcón Pérez: Aportación al estudio de la población aragonesa a fines del siglo XV. Aragon en la Edad Media, nº5, 1983, p 259. ISSN 0213-2486.
  3. (es) Consulta el listado de alcaldes que han sido proclamados en Aragón en Heraldo de Aragón