Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

As segundas taifas estioron unos reinos islamicos independients que amaneixioron en a Peninsula Iberica cuan os almurabitz encomenzoron a entrar en un periodo de decadencia y que duroron dica a invasión almuade.

As sublevacions anti-almurabiz encomenzoron en o surueste d'a peninsula entre os anyos 1143 y 1144, empentatas por una secta conoixita como muridim. Os muridim plegoron a dominar L'Algarve, Badajoz y Cordoba.

O sinyor d'a taifa de Rueda Sayf Al Dawla d'a familia d'os Banu Hud se declaró vasallo d'Alfonso VII de Castiella y consiguió reinar en a Taifa de Murcia. A la suya muerte en 1146 fue sucedito por Ibn Iyad, que morió en l'anyo 1147 y fue sucedito por Ibn Mardanis, o celebre rei Lop, con qui a Taifa de Murcia arribó en o suyo apocheu, conquerindo Valencia y territorios en Andalucía oriental. O rei Lop contaba con l'aduya d'os cristianos. Manimenos dimpués d'un periodo d'estabilidad y de gran desembolique economico a la fin no podió resistir a invasión almuade. A resistencia anti-almuade d'o rei Lop fació que a reconquiesta aragonesa no s'aturase cuan a invasión almuade como se desvinió con a reconquiesta castellana.

En as Balears una familia almurabit consiguió mantener-se independient d'os almuades dende l'anyo 1146 dica l'anyo 1203.

Lista de segundas Taifas editar