Esquistosidat

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A scistosidat ye una estructura cheolochica que consiste en a formación d'uns plans perpendiculars a la dirección d'os esfuerzos tectonicos (plans de scistosidat), que permiten que a roca se bade y pueda crebar-se en losas seguindo estos plans. En estas rocas bi ha una orientación d'os minerals plans y alargatos a favor d'os plans de scistosidat. Se puet veyer scistosidat en os plegos anisopacos, y os plans de scistosidat son perpendiculars a los plans d'estratificación en a zona d'a xarnera.

Diferents modelos de formación de scistosidat y estructuras pareixitas.

A scistosidat se puet formar en rocas sedimentarias, pero a sobén se produce en rocas metamorficas, y ye tipica d'as losetas porque se desembolica millor contra més fin siga o gran. A vegatas a scistosidat vien acompanyata de procesos de disolución, concrentando-se as sustancias insolubles en os plans de scistosidat.

Si a la vegata que actuan os esfuerzos tectonicos bi ha condicions idonias pa que se produga metamorfismo, os minerals metamorficos creixerán a favor d'os plans de scistosidat, a scistosidat no será tan perfecta y os plans de scistosidat se converten en superficies irregulars definitas por minerals micacios que rodeyan a los minerals més gruesos como o quarz, os feldespatos y os granatz; a estructura se denomina foliación.

Bibliografía

• Francisco Anguita Virella, Fernando Moreno Serrano, Geología procesos internos. Edelvives, 1978.